Беларусь

  • Главная
  • Актуальна!
  • Брэстчыну наведаў Надзвычайны і Паўнамоцны Пасол Злучанага Каралеўства Вялікабрытаніі і Паўночнай Ірландыі Брус Бакнел

Брэстчыну наведаў Надзвычайны і Паўнамоцны Пасол Злучанага Каралеўства Вялікабрытаніі і Паўночнай Ірландыі Брус Бакнел


З афіцыйным візітам Брэстчыну наведаў Надзвычайны і Паўнамоцны Пасол Злучанага Каралеўства Вялікабрытаніі і Паўночнай Ірландыі Брус Бакнел

Знешнеэканамічны абарот вобласці і Злучанага Каралеўства за студзень – верасень 2013 года складае 17,6 мільёна долараў ЗША, з іх экспарт складае 7,7 мільёна, а імпарт – 9,9. Губернатар вобласці Канстанцін Сумар на сустрэчы адзначыў, што знешнеэканамічная дзейнасць паміж Брэстчынай і Вялікабрытаніяй пакідае жадаць лепшага і прапанаваў прасоўваць на рынак Англіі малочную, мясную і іншую прадукцыю.  Пасол жа адказаў, што прыватныя кампаніі самі выбіраюць, дзе займацца бізнесам, таму яны вырашаюць, куды накіроўваць інвестыцыі. Кіраўнік вобласці згадзіўся з гэтым, але папрасіў Бруса Бакнела растлумачыць і прэзентаваць ім магчымасці вядзення бізнесу ў рэгіёне і стварэння прадпрыемстваў у свабоднай эканамічнай зоне “Брэст”, дзе падатковая нагрузка амаль на 50 працэнтаў меншая, чым, напрыклад, у Мінску.
Акрамя эканамічных стасункаў існуе мноства іншых кропак судакранання. Гэта сувязі ў галіне адукацыі, аздараўлення дзяцей (каля 500 дзяцей вобласці аздаравілася ў Вялікабрытаніі), дабрачыннай дзейнасці (шматлікія арганізацыі аказваюць матэрыяльную дапамогу школам Брэстчыны і Кобрынскай дзіцячай вёсцы) і іншых сферах.
Пасля сустрэчы з губернатарам Брус Бакнел наведаў Брэсцкую крэпасць, СЭ3 “Брэст” і Белавежскую пушчу, кобрынскую фабрыку цацак “Палессе”, паразмаўляў са студэнтамі БрДУ імя А.С. Пушкіна.
Лілія КАШТАНЮК, “НТ”.

Брэстчыну наведаў Надзвычайны і Паўнамоцны Пасол Злучанага Каралеўства Вялікабрытаніі і Паўночнай Ірландыі Брус Бакнел
Оцените статью

Добавить комментарий

Авторизация
*
*
Генерация пароля