Форум аб’яднаў вучоных з Беларусі, Расіі, Польшчы, Украіны, Літвы і Казахстана. Вынікам іх сумеснай работы стала стварэнне электроннага рэсурсу “Кнігазбор рода Сапегаў”. Наступным этапам з’яўляецца віртуальная рэканструкцыя літаратурнай спадчыны іншых знакамітых родаў і старасвецкіх бібліятэк.
У цэнтры ўвагі даследчыкаў падчас канферэнцыі былі пытанні захавання рэгіянальных асаблівасцей помнікаў кніжнай культуры, кніжнай справы на Брэстчыне. Абмяркоўвалася нават магчымасць вярнуць фаліянт Берасцейскай бібліі ў Брэст.
Адбылося таксама першае пася-джэнне міжнароднага савета праекта абласной бібліятэкі “Віртуальная рэканструкцыя спадчыны Юзафа Крашэўскага”, адобранага ЮНЕСКА.
Безумоўна, вяртанне чытачам помнікаў кніжкай культуры будзе цікава і моладзі, якая імкнецца ведаць гісторыю і традыцыі Бацькаўшчыны.
Вольга СВІРЫДОВІЧ, “НТ”.
На Брэстчыне прайшла другая Міжнародная навукова-практычная канферэнцыя “Берасцейскія кнігазборы”: праблемы і перспектывы даследавання”
