Паштовых работнікаў мы называем калегамі. І памылкі тут аніякай няма. Менавіта работнікі паштовай сувязі дапамагаюць у арганізацыі падпіскі на газету, займаюцца яе распаўсюджваннем. Чым не калегі?!
На мінулым тыдні давялося пабываць на сходзе паштавікоў Піншчыны. Выказалі ім шчырыя словы падзякі за падтрымку газеты. А да слоў дадалі кнігі творчага праекта “НТ” “Успамін пра імгненне”, якія ўручылі самым актыўным нашым сябрам. У паштовым аддзяленні №8 г. Пінска, дзе начальнікам Ала Шпакоўская, было падпісана ў I паўгоддзі 100 экзэмпляраў “Народнай трыбуны”. У Парэчча ў аддзяленне сувязі прыходзіць 45 газет (начальнік АПС Ніна Лазюк), а ў Чухава – 33 (начальнік АПС Валянціна Гузарэвіч).
Безумоўна, мы разлічваем на падтрымку паштавікоў Піншчыны і іншых раёнаў вобласці і ў II паўгоддзі. Падпіска ўжо абвешчана, а прызы лепшым у падпісной кампаніі мы таксама падрыхтуем.
Тэкст і фота
Святланы ТАБОЛІЧ, “НТ”,
Пінскі раён.