Беларусь

Паглядзець на… вайну


У музеі СШ №30 г. Брэста адкрылася экспазіцыя, прысвечаная воінам-інтэрнацыяналістам
Суботняй раніцай, нягле-дзячы на выхадны дзень і халоднае надвор’е, у музеі СШ №30 г. Брэста было шматлюдна. Тут  ва ўрачыстай абстаноўцы ветэраны вайны ў Афганістане, сярод якіх і начальнік аддзела ідэалагічнай работы адміністрацыі Маскоўскага раёна г. Брэста Мікалай Лявонаў, а таксама педагогі і вучні адкрылі экспазіцыю, прысвечаную воінам-інтэрнацыяналістам. Яе дапамаглі арганізаваць удзельнікі баявых дзеянняў, прадстаўнікі грамадскіх аб’яднанняў, педагогі.
У экспазіцыі – фотаздымкі, прадметы быту, зброя, ваенная форма тых часоў. Правяла экскурсію настаўніца гісторыі Людміла Ерашова.
Са зваротам да маладога пакалення выступіў дырэктар школы Аляксандр Леванчук. Ён заклікаў помніць пра подзвіг герояў і цаніць мір на Зямлі.
Дарэчы, многія школьнікі, якія прынялі ўдзел у мерапрыемстве, самі неаднойчы чулі ад сваякоў пра жахі той неаб’яўленай вайны. Ды і школа носіць імя Дзмітрыя Гвішыяні. Таму ў ёй асаблівая ўвага надаецца патрыятычнаму выхаванню.
Вольга СВІРЫДОВІЧ, “НТ”.
Фота аўтара.

Паглядзець на… вайну
Оцените статью

Добавить комментарий

Авторизация
*
*
Генерация пароля