Беларусь

Рэканструкцыя набярэжнай


Гарадскія ўлады абяцаюць навесці  парадак каля Мухаўца
“НТ” напрыканцы мінулага года расказала сваім чытачам, якія змяненні чакаюць абласны цэнтр. Планамі развіцця Брэста падзяліўся старшыня гарвыканкама Аляксандр Палышанкоў.
Пасля той публікацыі ў рэдакцыю патэлефанаваў інвалід Вялікай Айчыннай вайны Раман Свірыдаў.
Раман Барысавіч папрасіў канкрэтызаваць інфармацыю, як будзе праведзена рэканструкцыя набярэжнай ракі Мухавец, і выказаў заклапочанасць, ці не ператворыцца зона адпачынку ў зону піцейных і гульнявых устаноў. Пытанне брастаўчаніна было накіравана ў Брэсцкі гарадскі выканаўчы камітэт.
Намеснік старшыні гарвыканкама Васіль Кавальчук паведаміў наступнае: “Праектным інстытутам “Палессегіправодгас” распрацаваны праект па аб’екце “Будаўніцтва набярэжнай у горадзе Брэсце ад вул. 17 Верасня да рачнога порта”. Будаўніцтва аб’екта выконвае ААТ “Будаўнічы трэст №8”. Праектным інстытутам “Палессегіправодгас” таксама распрацоўваецца праект аб’екта “Рэканструкцыя набярэжнай у горадзе Брэсце ад вуліцы 17 Верасня да “Клуба маракоў”.
Праектамі прадугледжваецца рэканструкцыя існуючых і будаўніцтва новых гідратэхнічных збудаванняў, уладкаванне відавых пляцовак, пірсаў для лодак, добраўпарадкаванне прылеглай тэрыторыі, пешаходных дарожак, газонаў, гарадскога пляжа, выратавальнай станцыі. Праектамі не прадугледжваецца будаўніцтва піцейных устаноў, якія рэалізуюць алкагольныя напіткі”.
У Пінску, Кобрыне ўжо зроблены выдатныя набярэжныя, эстэтычны выгляд якіх радуе вока, ды і людзям гуляць па іх прыемна. Брэст у плане ўладкавання набярэжнай адстаў ад райцэнтраў. Усё ж добра, што гарадскія ўлады нарэшце вырашылі навесці парадак каля Мухаўца.

Рэканструкцыя набярэжнай
Оцените статью

Добавить комментарий

Авторизация
*
*
Генерация пароля