Беларусь

З роднай мовай – у вясковую хату


Крытышынскае аддзяленне паштовай сувязі лічыцца адным з лепшых у Іванаўскім раёне. Тут працуе невялікі,  але вельмі дружны і згуртаваны калектыў, якім кіруе Алена Міхальчук (на здымку). Паштавікі пастаянна перавыконваюць планы па падпісцы на розныя перыядычныя выданні. Сярод самых папулярных – “Народная трыбуна”. Алена Расціславаўна расказала, што абласную газету заўсёды ў першую чаргу рэкамендуе выпісаць землякам Лідзія Міхальчук. І не толькі таму, што кошт прымальны. За доўгі час працы на пасадзе паштальёна (стаж –  26 гадоў) яна прыйшла да высновы, што ў кожнай хаце павінна быць газета менавіта на роднай мове. Падабаецца крытышынскім падпісчыкам і тое, што на старонках выдання публікуецца шмат матэрыялаў на сацыяльную  тэматыку, узнімаюцца праблемы жыхароў сельскай мясцовасці.
Сёлета “Народную трыбуну” выпісалі 36 жыхароў Крытышынскага сельсавета. Паштавікі ўпэўнены: “НТ” стане надзейным сябрам і кампетэнтным дарадчыкам для тых, хто яе выбраў.
Марыя ФЕДАРУК, “НТ”,
Іванаўскі раён.
Фота Валерыя МІХАЛЬЧУКА.

З роднай мовай – у вясковую хату
Оцените статью

Добавить комментарий

Авторизация
*
*
Генерация пароля