Беларусь

  • Главная
  • Актуальна!
  • Страты кантрабандыстаў у апошнім месяцы лета склалі больш за 3,5 мільярда рублёў

Страты кантрабандыстаў у апошнім месяцы лета склалі больш за 3,5 мільярда рублёў


У апошнія дні жніўня супрацоўнікі ўпраўлення дэпартамента расследаванняў КДК Рэспублікі Беларусь па Брэсцкай вобласці  сумесна з пагранічнікамі на аўтадарозе Брэст –Тамашоўка, ля вёскі Камароўка Брэсцкага раёна спынілі для дагляду аўтамабіль “Фальксваген  Т4”, якім кіраваў  украінскі індывідуальны прадпрымальнік.  У мікрааўтобусе знойдзены 13 важкіх баулаў з імёнамі канчатковых адрасатаў на кожным. У іх знаходзіліся курткі і шубы без суправаджальных дакументаў, якія пацвярджалі б легальнасць набыцця рэчаў.
Па папярэдняй інфармацыі спецыялістаў камітэта дзяржкантролю, мужчынскія і жаночыя курткі з матэрыялу пад скуру розных памераў і колеру ў колькасці 640 адзінак ацэньваюцца ў 1 мільярд 920 мільёнаў беларускіх рублёў, а  23 жаночыя шубы пацягнулі на 138 мільёнаў.
Увесь тавар арыштаваны. Вядуцца праверачныя мерапрыемствы.
Нерэнтабельная рыба
Праведзены праверкі ходу рэалізацыі Дзяржаўнай праграмы развіцця рыбагаспадарчай дзейнасці
на 2011-2015 год
Планавыя кантрольна-аналітычныя мерапрыемствы ў адкрытым акцыянерным таварыстве “Рыбгас “Лактышы” Ганцавіцкага раёна  і рыбгасе “Сакалова”, які з’яўляецца філіялам ААТ “Палессегіправадгас”, размешчанага на землях Жабінкаўскага і Маларыцкага раёнаў, выявілі шэраг парушэнняў.
Так, у  ААТ “Рыбгас “Лактышы” рэнтабельнасць рэалізаванай прадукцыі за мінулы год склала ўсяго 0,4 працэнта. Работы па рэканструкцыі і аднаўленні сажалак праводзіліся не на належным узроўні. Выяўлена таксама, што многія работы, у тым ліку пры кармленні рыбы, унясенні мінеральных удабрэнняў, вапны, падрыхтоўцы сажалак да зарыблення  практычна не механізаваны.
У рыбгасе “Сакалова” ў дзяржаўнай статыстычнай справаздачнасці за 2011 год паказаны недакладныя звесткі аб расходзе паліўна-энергетычных рэсурсаў. Выяўлены выпадкі ўнясення недакладных да-дзеных аб пратэрмінаваных дэбіторскай і крэдыторскай запазычанасцях у бок заніжэння.
Дапушчана несанкцыянаванае перавышэнне ўстаноўленых заканадаўствам тэрмінаў паступлення грашовых сродкаў ад экспарту рыбы ў Расію на суму больш за 3 мільёны расійскіх рублёў. У парушэнне патрабаванняў заканадаўства заработная плата ў трох выпадках у 2011 годзе і ў маі сёлетняга выплачвалася пазней устаноўленага тэрміну.
Спецыялістамі Камітэта дзяржкантролю прадпісана: гэтыя і іншыя выяўленыя парушэнні ўхіліць.
Віктар ВАСІЛЕЎСКІ,
галоўны спецыяліст КДК Брэсцкай вобласці.

Страты кантрабандыстаў у апошнім месяцы лета склалі больш за 3,5 мільярда рублёў
Оцените статью

Добавить комментарий

Авторизация
*
*
Генерация пароля