Беларусь

Жаночае здароўе


МЕНАВІТА ЯНО СТАЛА ПРАДМЕТАМ РАЗМОВЫ Ў АБЛАСНЫМ ЦЭНТРЫ ЭПІДЭМІЯЛОГІІ І ГРАМАДСКАГА ЗДАРОЎЯ, ДЗЕ Ў ПАНЯДЗЕЛАК ПРАЙШОЎ “КРУГЛЫ СТОЛ”
Стаць мамай – надзвычай адказны момант, а нарадзіць здаровае патомства можа толькі здаровая жанчына. Гэтую простую ісціну ў чарговы раз аргументавана і з лічбамі пацвердзілі ўдзельнікі “круглага стала”.
На думку галоўнага акушэр-гінеколага ўпраўлення аховы здароўя аблвыканкама Эдуарда Мішчука, у медыцынскіх установах жанчыны могуць атрымаць кваліфікаваную дапамогу, але дбаць аб сваім здароўі яны павінны з маленства. Сёлета ў вобласці пачалі працаваць пасля капітальнай рэканструкцыі акушэрска-гінекалагічныя аддзяленні ў Драгічыне, Івацэвічах, жаночая кансультацыя ў Пінску, да канца года справіць наваселле жаночая кансультацыя №2 у Брэсце.
“Зменшылася колькасць абортаў, а родаў стала больш”, – станоўчую сітуацыю адзначыў галоўны ўрач абласнога радзільнага дома Анатоль Дашко. У гэтай установе, між іншым, прымаюць да 35 працэнтаў усіх родаў у вобласці. Але заклапочанасць здароўем падлеткаў выказала ўрач-педыятр Брэсцкай цэнтральнай паліклінікі Таццяна Алікевіч. На яе думку, у сучасных дзяўчынак не фарміруецца правільны вобраз маці.
Дапамагчы медыкам выправіць сітуацыю гатовы праваслаўная царква, сацыяльныя і псіхалагічныя службы, прадстаўнікі якіх таксама выказалі свой погляд на праблему жаночага здароўя.
Лідзія КУРБАТ, “НТ”.

Жаночае здароўе
Оцените статью

Добавить комментарий

Авторизация
*
*
Генерация пароля