Беларусь

Званы памяці


У рамках акцыі “Зноў памяці званяць званы: чытаем верш па-беларуску” ў Бярозаўскай цэнтральнай раённай бібліятэцы прайшоў раённы конкурс на лепшага чытальніка вершаў грамадзянска-патрыятычнага гучання
У ім прынялі ўдзел 17 юных чытачоў з розных бібліятэк Бярозаўшчыны. Конкурс стаў сапраўды тэатрам аднаго акцёра, дзе кожны чытальнік прагнуў сілай сваёй творчай уявы, таленту дэкламатара спасцігнуць вобразнасць літаратурнага тэксту ярка і індывідуальна данесці яго да слухача. Плакалі шчырымі слязамі дарослыя, калі чытала верш Рыгора Барадуліна “Бацьку” адзінаццацікласніца з Белаазёрска Анастасія Царковіч. Пакарылі сэрцы журы самыя маленькія канкурсанткі – чытачкі Сялецкай і Спораўскай сельскіх бібліятэк чацвёртакласніцы Таня Гусева і Алёна Пашкевіч, якія таленавіта, з акцёрскім майстэрствам прачыталі вершы Петруся Броўкі “Мёртвая вёска” і Ірыны Касянковай “Сон”.
Юныя чытачы Белаазёрскай гарадской бібліятэкі імя Ніны Мацяш, Здзітаўскай і Міжлескай сельскіх бібліятэк Павел Казлоўскі, Яніна Бруйла, Дзіяна Пунько прапанавалі ўвазе слухачоў вершы аб вайне паэтаў-землякоў – Ніны Мацяш “Чэрвеньская балада 1941 года дня 25-га”, Міколы Валошчыка “Здзітаўская абарона”, Раісы Баравіковай “Маленькім партызанам Вялікай Айчыннай вайны…”.
Пераможцамі конкурсу журы назвала Анастасію Царковіч,  Таню Гусеву, Алёну Пашкевіч. Яны ўзнагароджаны дыпломамі з лагатыпам конкурсу, каштоўнымі падарункамі і прызамі. Лепшыя чытальнікі і дэкламатары выступяць на мясцовым радыё і ў тэлеэфіры.
Дзяцей-чытачоў і іх бібліятэкараў шчыра вітаў пачэсны госць мерапрыемства, удзельнік Вялікай Айчыннай вайны Фёдар Сцяпанавіч Труцько.
Ала ДРАГАН,
загадчык аддзела бібліятэчнага маркетынгу
Бярозаўскай ЦРБ.

Званы памяці
Оцените статью

Добавить комментарий

Авторизация
*
*
Генерация пароля