Беларусь

  • Главная
  • Алімпійскі п'едэстал
  • Прадстаўніцтва Нацыянальнага алімпійскага камітэта Рэспублікі Беларусь у Брэсцкай вобласці правяло на Кобрыншчыне сустрэчу маладых спартсменаў рэгіёна з дзецьмі, якія адпачываюць у летніку “Хваля”

Прадстаўніцтва Нацыянальнага алімпійскага камітэта Рэспублікі Беларусь у Брэсцкай вобласці правяло на Кобрыншчыне сустрэчу маладых спартсменаў рэгіёна з дзецьмі, якія адпачываюць у летніку “Хваля”


Алімпійскія аўтографы
Асабліва цёпла прымалі ў “Хвалі” земляка, выхаванца Кобрынскай КСДЮШАР Ілью Сірацюка. Ён нядаўна ўдзельнічаў у XI Алімпійскім фестывалі ў Трабзоне (Турцыя). Там за медалі ў складзе нацыянальнай каманды змагаліся 14 спартсменаў з Брэсцкай вобласці. Трое з іх вярнуліся дадому не з пустымі рукамі: Ганна Зінчук прывезла “золата” ў кіданні молата, Ілья Сірацюк заваяваў “серабро” ў бегу на 200 метраў і Павел Кіпра – “бронзу” ў скачках у вышыню.
Разам з сярэбраным прызёрам Трабзона з дзецьмі сустрэліся лёгкаатлеты Галіна Амяляшчык, Ірына Андрыкевіч, Аляксандра Астахава і Кацярына Арцюх. На імправізаванай прэс-канферэнцыі, дзе ў ролі журналістаў выступілі юныя адпачывальнікі летніка, спартсменам давялося адказаць на самыя розныя пытанні. Замест запланаваных на гутарку 30 хвілін прэс-канферэнцыя доўжылася гадзіну. Такія ўжо цікаўныя аказаліся “хвалеўцы”!

– Нам не ўпершыню быць у цэнтры ўвагі, – дзяліўся ўражаннямі Ілья Сірацюк, – але калі задаюць каверзныя пытанні – заўсёды трохі хвалюешся. Прыемна, што цябе ведаюць, сочаць за тваімі поспехамі і “хварэюць”. Наперадзе спаборніцтва ў Фінляндыі, і хочацца паказаць добрыя вынікі – нельга падводзіць землякоў.
А на пытанне пра мару спартсмены дружна адказалі, што вяршыня спартыўнай кар’еры –  Алімпійскія гульні. І дрэнны той спартсмен, які не марыць узысці на алімпійскі п’едэстал.
На памяць аб мерапрыемстве ў “Хвалі” маладыя атлеты атрымалі сувеніры ад Прадстаўніцтва НАК, а галоўнаму герою сустрэчы –  сярэбранаму прызёру Алімпійскага фестывалю ў Трабзоне Ілье Сірацюку ўручылі спецыяльны падарунак – валейбольны мяч з аўтографамі вядомых землякоў – бронзавых прызёраў Алімпійскіх гульняў у Афінах і Пекіне Юліі Бічык і Наталлі Гелах, а таксама ўладальніка сярэбранага медаля Алімпіяды-80 Барыса Ісачэнкі.
Ірына АЛЬШОВА,
прэс-сакратар
Прадстаўніцтва НАК Беларусі ў Брэсцкай вобласці.
Фота з архіва НАК.

Прадстаўніцтва Нацыянальнага алімпійскага камітэта Рэспублікі Беларусь у Брэсцкай вобласці правяло на Кобрыншчыне сустрэчу маладых спартсменаў рэгіёна з дзецьмі, якія адпачываюць у летніку “Хваля”
Оцените статью

Добавить комментарий

Авторизация
*
*
Генерация пароля