Беларусь

  • Главная
  • На першым плане
  • Сёння горад над Бугам сустракае ўдзельнікаў IХ Рэспубліканскага экалагічнага форуму, прысвечанага Міжнароднаму году лясоў

Сёння горад над Бугам сустракае ўдзельнікаў IХ Рэспубліканскага экалагічнага форуму, прысвечанага Міжнароднаму году лясоў


Тамара ЯЛКОЎСКАЯ,
старшыня абласнога камітэта
прыродных рэсурсаў і аховы навакольнага асяроддзя:
“НЯХАЙ КОЖНЫ ПАСАДЗІЦЬ ДРЭЎЦА
Сёлета эстафету дзявятага Рэспубліканскага экалагічнага форуму прыняла Брэстчына. Горад над Бугам 26-27 жніўня сустракае пераможцаў і ўдзельнікаў мерапрыемства з усіх куткоў Беларусі, а таксама шматлікіх гасцей – прадстаўнікоў экалагічных службаў Расіі, Украіны, Латвіі, Польшчы.
Кожны форум мае свой лейтматыў, сваю ідэю. Дэвіз сёлетняга, які праходзіць  у Міжнародны год лясоў, – «Жыць у гармоніі з прыродай – шлях у будучыню». І гэта невыпадкова. Сёння нельга недаацэньваць той узрастаючай нагрузкі на навакольнае асяроддзе, выкліканай інтэнсіўным выкарыстаннем прыродных рэсурсаў, урбанізацыяй і іншымі фактарамі, і тых узніклых глабальных праблем сучаснасці – змяненне клімату, апустыньванне, зніжэнне біялагічнай разнастайнасці, збядненне водных крыніц. Многія праяўленні рэакцыі прыроды  на неразумныя, варварскія адносіны да яе крануліся і нашай вобласці.
З’яўляючыся сучаснымі людзьмі, мы  хочам, каб нашы дзеці, унукі, нашчадкі жылі на цудоўнай зялёнай планеце, у адным з прыгажэйшых яе куткоў – на Брэстчыне. Таму экалагічны форум для нас павінен стаць не проста масавым экалагічным мерапрыемствам, а сімвалам аб’яднання намаганняў эколагаў і грамадскасці па захаванні прыроды. Экалагічны дабрабыт, чысціня і добраўпарадкаванасць Берасцей-шчыны залежаць ад канкрэтных дзеянняў кожнага.
Другі дзень работы дзявятага Рэспубліканскага экалагічнага форуму пачынаецца з пасадкі алеі дрэў. Упэўнена, што гэты рукатворны зялёны куток прыроды  стане пачаткам вялікіх і значных экалагічных акцый і мерапрыемстваў па паляпшэнні навакольнага асяроддзя.
Мы заклікаем кожнага жыхара пасадзіць дрэва, вырасціць кветку, добраўпарадкаваць тэрыторыю вакол свайго дома, школы, дзіцячага садка, прадпрыемства, арганізацыі.
Мы запрашаем грамадскасць, сродкі масавай інфармацыі і грамадскія арганізацыі аб’яднаць намаганні для ўстойлівага развіцця і росквіту нашай Беларусі.

Сёння горад над Бугам сустракае ўдзельнікаў IХ Рэспубліканскага экалагічнага форуму, прысвечанага Міжнароднаму году лясоў
Оцените статью

Добавить комментарий

Авторизация
*
*
Генерация пароля