Беларусь

Адлюстраванне душы


Кожны чалавек, незалежна ад узросту, слухае тую музыку, якая яму бліжэй
Моладзь аддае перавагу песням, якія сёння ў модзе. Шкада толькі, што многія нават не задумваюцца аб словах. Галоўнае – добры танцавальны рытм. Велізарная ж колькасць тэкстаў – проста незразумелы набор слоў, добра, калі не пахабных.
Асабіста я аддаю перавагу разнастайнай музыцы, пачынаючы з поп і заканчваючы джазам. У маіх калонках усё гучыць па настроі. З задавальненнем магу паслухаць песні матулінай маладосці. Думаю, што, напрыклад, песня на верш Марыны Цвятаевай у выкананні Алы Пугачовай будзе папулярнай заўсёды:
Мне нравится,
что вы больны не мной,
Мне нравится,
что я больна не вами,
Что никогда тяжелый
шар земной
Не уплывет под
нашими ногами…
Спытала ў знаёмых студэнтаў, старшакласнікаў аб іх музычных схільнасцях. Большасць аддалі перавагу рэпу, але толькі таму, у якім ёсць сэнс.
Што да класікі, дык аб ёй нават не ўспамінаюць. Для некаторых маладых людзей Бетховен – гэта сабака (стужка аб прыгодах чатырохногага сябра з такой мянушкай –
вельмі сімпатычнае кіно). Хто можа слухаць класічную музыку? Тыя, хто наведвае музычную школу.
Улічыце той факт, што густ сучаснай моладзі фарміраваць няма каму. На тэлебачанні выступаюць тыя, у каго ёсць грошы. Многім зусім усё роўна, як чалавек спявае – галоўнае, каб кліп быў яркім. А выпрацоўваць густ усё ж трэба! Можа, мюзіклы дапамогуць? Вось дзе выдатна спалучаецца класіка і сучаснасць! Шкада толькі, што ў нашай краіне гэты жанр у зародкавым стане, а каб убачыць гастрольныя выступленні расійскіх ці замежных зорак, трэба ехаць у сталіцу. Не ў кожнага ёсць такая магчымасць.
Але як бы мода ні змянялася, музыка заўсёды будзе заставацца ў нашых сэрцах, бо яна – адлюстраванне душы.
Дар’я РАМЕЙКА,
вучаніца гімназіі №1,
г. Баранавічы.

Адлюстраванне душы
Оцените статью

Добавить комментарий

Авторизация
*
*
Генерация пароля