Беларусь

Свет сямі нот


Змест твора, яго музыка павінны быць якаснымі
Я вучуся ў музычнай школе і спяваю ў групе “Айціс”, кіраўніком якой з’яўляецца Юлія Аляксандраўна Русецкая. Усе дзяўчаты ў нашай групе любяць спяваць. Спяваем сучасныя песні беларускіх і рускіх аўтараў, некаторыя песні на англійскай мове. Увесь вольны час прысвячаем музыцы, яна назаўжды ўвайшла ў наша жыццё. Вялікая заслуга нашага кіраўніка ў тым, што мы навучыліся выбіраць музыку годную, цікавую. Калі ацэньваем музычны твор, дык ацэнка заўсёды абгрунтаваная.
Мы любім сучасную музыку, але толькі такую, ад якой становіцца светла і лёгка на душы. Часта ўдзельнічаем у школьных канцэртах, выступаем у сельскім Доме культуры, тым самым выхоўваем землякоў, прапагандуем лепшыя ўзоры музычнай культуры.
Даводзіцца чуць і такія песні, у якіх змест і музыка выклікаюць недавер, адчуваецца адсутнасць  у іх якасці. Прыкра, што такая музыка некаму падабаецца! Я лічу, што гэта адбываецца з-за адсутнасці музычнай адукаванасці і пад уплывам радыё і тэлебачання. Хацелася б, каб кожны працаваў над развіццём уласнага музычнага густу. Музычны свет багаты і разнастайны, у ім заўсёды знойдзецца добрая песня для душы.
Анастасія ТРАФІМУК,
вучаніца
Чарнаўчыцкай СШ,
Брэсцкі раён.

Свет сямі нот
Оцените статью

Добавить комментарий

Авторизация
*
*
Генерация пароля