Беларусь

Беларускі – значыць, “нетакі”?


На жаль, самі ж беларусы насцярожана адносяцца да роднай мовы
Захапленне беларускай мовай у мяне пачалося толькі пасля заканчэння школы. Сур’ёзна, я пашкадавала, што ў той час не надавала ўвагі яе вывучэнню.
Але, як кажуць, лепш позна, чым ніколі. Каб гаварыць на роднай  мове, мне часам даводзіцца не толькі падбіраць неабходныя словы, але і суразмоўцу. А тут здарылася са мной дзіўная гісторыя. Адбылося гэта тады, калі я паспрабавала пагаварыць па-беларуску з сяброўкай.  Яе рэакцыя была нечаканай: яна скоса на мяне паглядзела і трохі скрывілася, але прамаўчала. Аднак гэта не ўсё. Калі ў мяне зазваніў тэлефон, рынгтонам якога была песня “Вуліца-дым” беларускай групы “HandMade”, яна адразу ж задала мне пытанне: “Ты что, оппозиционерка?” Я нават расхвалявалася, але адказаць на гэтае пытанне не атрымалася, бо гаварыла па тэлефоне. Пасля мая сяброўка перавяла гутарку на іншую тэму.
А я засталася ў збянтэжанасці. Чаму так? Калі размаўляеш па-беларуску, дык што, атрымліваецца, адразу апазіцыянерка?..
Юлія КОСАРАВА,
г. Брэст.

Беларускі – значыць, “нетакі”?
Оцените статью

Добавить комментарий

Авторизация
*
*
Генерация пароля