Племя маладое

На адным з буйнейшых прадпрыемстваў Брэстчыны – СП ААТ “Брэстгазаапарат” – разумеюць, што будучыня – за моладдзю, таму ўсебакова яе падтрымліваюць

На галаўным прадпрыемстве, дзе працуе больш за 3000 чалавек, 30 працэнтаў – маладыя людзі да 31 года. На даччыных “Гефест-тэхніцы” і “Гефест-кварцы” і таго больш.
– На ўсіх прадпрыемствах холдынгу дзейнічае калектыўны дагавор, дзе ёсць спецыяльны пункт аб сацыяльнай абароне і льготах для моладзі. Матэрыяльную дапамогу аказваем у выпадку жаніцьбы, нараджэння дзіцяці, часткова аплачваецца жыллё, якое здымаюць маладыя працаўнікі, прадугледжаны і іншыя выплаты, – тлумачыць спецыяліст па рабоце з моладдзю “Брэстгазаапарата” Алена Мігуран.
Відавочна, што на клопат маладыя адказваюць стараннем у працы, актыўнасцю ў спартыўных і культурных мерапрыемствах. Яны з задавальненнем рэалізуюць шматлікія ідэі савета моладзі. Маладзёжная палітыка прадпрыемства каардынуецца з работай прафсаюзнай арганізацыі, таму і дае такі плён: і на вытворчасці, і ў творчым развіцці юнакі і дзяўчаты дасягаюць выдатных вынікаў.
Юрый МАКАРЧУК, “НТ”,
г. Брэст.
Фота аўтара.