Беларусь

  • Главная
  • Іскрынкі душы
  • У філіяле “Мастацкі музей” абласнога краязнаўчага музея ў Брэсцкай крэпасці ўрачыста адкрылася 50-я юбілейная выстава “Перасоўнікі XXI стагоддзя”

У філіяле “Мастацкі музей” абласнога краязнаўчага музея ў Брэсцкай крэпасці ўрачыста адкрылася 50-я юбілейная выстава “Перасоўнікі XXI стагоддзя”


У экспазіцыі прадстаўлены 55 работ 28-мі мастакоў з розных куткоў Расіі, якія ўваходзяць у склад мастацкага аб’яднання “Таварыства перасоўных мастацкіх выстаў. XXI стагоддзе (Санкт-Пецярбург)”. Створана яно ў 2005 годзе з мэтай адрадзіць лепшыя традыцыі рускага мастацтва, прапаведнікамі якіх былі Крамскі, Пяроў, Шышкін, Рэпін, Мясаедаў і іншыя вядомыя перасоўнікі ХІХ стагоддзя.
Праўда, у адрозненне ад сваіх папярэднікаў, цяперашнія перасоўнікі ў шэрагу з рэалістычным падыходам да мастацтва прапануюць і іншыя, правераныя часам канцэпцыі. Стылевая разнастайнасць, адрозненні ў творчым падыходзе да прадмета і аб’екта мастацтва сучасных перасоўнікаў не з’яўляюцца самамэтай выстаў таварыства. Зварот да рэальнага жыцця, асветніцкая работа, як гэта было характэрна для мастакоў-перасоўнікаў ХІХ стагоддзя, назіраюцца і ў дзейнасці іх цяперашніх паслядоўнікаў.
Адна з характэрных асаблівасцей мастакоў-удзельнікаў таварыства перасоўнікаў – пошук твораў, якія зацвярджаюць гуманныя мэты рускага мастацтва. А яшчэ ўсе яны вызначаюцца актыўнай работай з гледачом. Вядома ж, гэты глядач, на думку сучасных перасоўнікаў, павінен мець уласнае эстэтычнае пачуццё, здольнасць бачыць і разумець іншыя важныя якасці выяўленчага мастацтва, перш за ўсё – яго змест.
Найбольш важным у дзейнасці таварыства з’яўляецца імкненне выявіць самыя каштоўныя (у сэнсе зместу) творы вялікага кола мастакоў і аб’яднаць іх у агульнае культурнае кола. Нярэдка такія работы аказваюцца чужымі, незапатрабаванымі для іншых выстаў і музеяў. Такі падыход, на думку ідэолагаў таварыства, дазваляе захаваць інтарэс мастакоў да змястоўнага мастацтва і адначасова абараніць іх ад хістанняў моды.
Розныя па манеры і почырку творы Вадзіма Губіна, Васіля Братанюка, Барыса Кельберэра, Генадзя Губанава, Юрыя Белазерскага, Валерыя Выбаржаніна і іншых не глядзяцца адасоблена адзін ад другога. Усе яны аб’яднаны чулымі, удумлівымі адносінамі да асобы, да асаблівасцей рускага нацыянальнага пейзажа, да здольнасці памятаць свае вытокі, бачыць перад сабой мэту, нарэшце – да здольнасці суперажываць, што так характэрна для загадкавай рускай душы.
Ідэалагічная аснова таварыства расійскіх мастакоў-перасоўнікаў, якая трымаецца на пачатках захавання здаровых традыцый як рускага мастацтва, так і ўсяго лепшага, што ўтрымліваецца ў паняцці “грамадзянін Расіі”, яскрава праяўляецца і на выставе ў Брэсце. Як падкрэсліў на яе адкрыцці Генеральны консул Расійскай Федэрацыі Мікіта Маткоўскі, творы сучасных перасоўнікаў умацоўваюць нацыянальнае пачуццё свядомасці і дапамагаюць аматарам высокага мастацтва зразумець задачы творчасці і рускі характар.
Выстава будзе працаваць да 22 чэрвеня.
Віктар СЛАВІН, “НТ”.

У філіяле “Мастацкі музей” абласнога краязнаўчага музея ў Брэсцкай крэпасці ўрачыста адкрылася 50-я юбілейная выстава “Перасоўнікі XXI стагоддзя”
Оцените статью

Добавить комментарий

Авторизация
*
*
Генерация пароля