Дзяніс ЛІПКІН, вядучы тэлерадыёкампаніі “Брэст”: “Не сядзіце перад тэлевізарам”

– Заўсёды варта шукаць кампраміс паміж матэрыяльным і духоўным, а не кідацца ў крайнасці. Кожны чалавек, на мой погляд, павінен прытрымлівацца здаровага ладу жыцця, быць актыўным і абавязкова мець хобі. Можа, з вуснаў тэлевядучага гучыць і дзіўна, але не марнуйце час перад тэлевізарам за праглядам серыялаў. Займайцеся чымсьці, што здолее абагаціць ваш унутраны свет, а можа, і паўплывае на знешні выгляд. Калі, напрыклад, адпачываеце на пляжы, дык не ляжыце, а больш рухайцеся і плавайце. Калі знойдзеце занятак па душы ці пашчасціць правільна выбраць прафесію, дык і часу на розныя глупствы і непатрэбныя думкі не будзе.