Глядзець абавязкова!

Галівудскія кінарэжысёры таксама ахвотна разважаюць аб феномене папулярнасці
Увагу прыцягнулі менавіта гэтыя стужкі, бо яны дакладна дэманструюць шматграннасць тэмы. Мы падлічылі ўжо ўсе “плюсы” і “мінусы” – цяпер ваша чарга. Глядзець абавязкова!
Фільм “Слава” (Кэвін Танчароэн) расказвае пра студэнтаў прэстыжнай нью-ёркскай школы мастацтваў – будучых танцораў, спевакоў, акцёраў і мастакоў. Усе яны маюць шанс ажыццявіць свае мары, ды толькі атрымліваецца гэта ў адзінак.
“The Runaways” (Флорыя Сігізмондзі) – гісторыя папулярнага ў 70-я гады дзявочага гурта з аднайменнай назвай і яго юных салістак Джаан Джэт і Чэры Кюры. Яскравы прыклад таго, як шлях угору аднойчы паварочваецца падзеннем у прорву.
“Дзяўчыны мары” (Біл Кондан) – яшчэ адзін павучальны аповяд пра цяжкае жыццё працаўнікоў сцэны са спявачкай Б’ёнсі Ноўлз у галоўнай ролі. Цудоўнае гучанне, пранізлівы саўндтрэк і добрая акцёрская ігра прынеслі фільму не адну ўзнагароду, уключаючы запаветную статуэтку “Оскар” і “Залаты глобус”.
Тамара ВАСІЛЬКОВА, “НТ”.