Васіль МЕНДЭЛЬЧУК, псіхолаг, кіраўнік цэнтра канструктыўных магчымасцей “РУХ ДА ЛЕПШАГА”: “Трымацца натуральна”

– Папулярным чалавек можа стаць, мэтанакіравана імкнучыся да гэтага. Напрыклад, артыст бестселера ці герой роліка ў інтэрнэце, знятага на тэлефон. Апошні, варта адзначыць, стаў вядомым нечакана, а можа, і не жадаючы таго.
У большасці сваёй папулярныя людзі ўпэўнены ў сабе, умеюць самарэалізоўвацца, а галоўнае – трымаюцца натуральна сярод іншых. Сама па сабе папулярнасць нічога дрэннага не нясе. А вось спосаб яе дасягнення залежыць ад канкрэтнага чалавека. Жадаючы стаць вядомым, чалавек павінен памятаць, што, як і ўсё іншае, папулярнасць павінна служыць на карысць людзям.