Новыя метады хірургічнага лячэння гінекалагічных паталогій асвоены ў абласным радзільным доме
У гінекалагічным аддзяленні №1 абласнога радзільнага дома выкананы першыя тры высокатэхналагічныя рэканструкцыйныя аперацыі. Разам з нашымі медыкамі іх правёў галоўны акушэр-гінеколаг Міністэрства аховы здароўя Рэспублікі Беларусь Аляксандр Барсукоў.
Поўнае і няпоўнае выпадзенне органаў малога таза – паталогія, ад якой пакутуюць многія жанчыны. Пралапс тазавых органаў медыкі навучыліся выпраўляць. Такія аперацыі па высокатэхналагічнай методыцы праводзяцца ў Мінску, першыя выкананы ў Гомелі і Гродна. Цяпер яны асвоены і брэсцкімі дактарамі.
Па словах галоўнага ўрача абласнога радзільнага дома Анатоля Дашко, магчымасці ўкаранення новых аперацый сёлета пашырацца. Паспрыяе гэтаму адкрыццё пасля рэканструкцыі гінекалагічнага аддзялення і прыбудовы да яго, дзе размесцяцца гінекалагічны эндаскапічны хірургічны цэнтр, дзве аперацыйныя, рэанімацыя, генетычная лабараторыя.
от8 февраля, 2019