Беларусь

Як гарадскім уладам і падманутым дольшчыкам удалося знайсці кампраміс…


«Размарозілі» дом
Як гарадскім уладам і падманутым дольшчыкам  удалося знайсці кампраміс
На мінулым тыдні старшыня аблвыканкама Канстанцін Сумар пабываў у новым 16-павярховым 94-кватэрным жылым доме на вуліцы Кастрычніцкай рэвалюцыі, што знаходзіцца каля вяслярнага канала. З-за фінансавых праблем, якія ўзніклі ў кампаніі «Облик», яго будаўніцтва было «замарожана». Пасля працяглых перагавораў і звяртання будучых жыхароў гэтага дома ў розныя інстанцыі ўдалося знайсці кампраміс і паспяхова вырашыць няпростую сітуацыю.
У свой час 97 працэнтаў дольшчыкаў выплацілі поўны кошт кватэр «Облику». Аднак з 14,5 мільярда беларускіх рублёў кампанія асвоіла толькі  11,9 мільярда, а дом так і не дабудавала. Былым кліентам «Облика» давялося ствараць новы кааператыў, пасля чаго гарадскія ўлады выдзелілі ім крэдыт у памеры 5 мільярдаў рублёў для завяршэння будаўніцтва. На сённяшні дзень кошт аднапакаёвай кватэры ўзрос на 25-29 мільёнаў рублёў, двухпакаёвай – прыкладна на 40 мільёнаў, а  трохпакаёвай – на 70-80 мільёнаў. Па словах старшыні кааператыва Анжэлы Сарачук, усе яго члены далі абавязацельства пагасіць крэдыт, выдзелены горадам, і толькі дзякуючы гэтаму ўдалося вырашыць праблему.
Цяпер падманутыя людзі спрабуюць спагнаць унесеныя звыш дагаворных абавязацельстваў грошы з «Облика» ў судовым парадку, аднак фінансавы стан кампаніі не дае аптымізму спадзявацца на станоўчы вынік. Ёсць, праўда, яшчэ надзея на выплаты страхавой кампаніі, бо будаўніцтва дома было застрахавана.
У час сустрэчы Канстанцін Сумар і будучыя жыхары дома высока ацанілі якасць  работ, якія выкананы ААТ «Будтрэст №8» на завяршальным этапе будаўніцтва.
Юрый МАКАРЧУК, «НТ»,
г. Брэст.
Фота аўтара.

Як гарадскім уладам і падманутым дольшчыкам удалося знайсці кампраміс…
Оцените статью

Добавить комментарий

Авторизация
*
*
Генерация пароля