Беларусь

“Не шукаць чорнага ката ў цёмным пакоі”


У АЎТОРАК СТАРШЫНЯ АБЛВЫКАНКАМА КАНСТАНЦІН СУМАР СУСТРЭЎСЯ З МІЖНАРОДНЫМІ НАЗІРАЛЬНІКАМІ, ЯКІЯ БУДУЦЬ ПРАЦАВАЦЬ НА БРЭСТЧЫНЕ ПАДЧАС ВЫБАРАЎ ПРЭЗІДЭНТА РЭСПУБЛІКІ БЕЛАРУСЬ
Назіральнікі ад АБСЕ Бэры Льюіс з ЗША і Віктар Мокін з Расіі, а таксама кіраўнік аддзялення місіі назіральнікаў ад штаба СНД па Брэсцкай вобласці Бахыт Дасанаў з Казахстана акрэслілі асноўную мэту свайго прыезду: паглядзець, як выконваецца Выбарчы кодэкс Рэспублікі Беларусь.
У ходзе гутаркі з кіраўніцтвам вобласці яны расказалі пра тое, як бу-дзе арганізавана работа назіральнікаў. Бэры Льюіс, у прыватнасці, сказаў, што яны, як і іх калегі з СНД, хацелі б назіраць раннюю стадыю выбарчай кампаніі. Таму на Брэстчыне ў цяперашні час ад АБСЕ знаходзяцца тры каманды (у Брэсце, Баранавічах і Пінску), па два назіральнікі ў кожнай. Напярэдадні выбараў у вобласць прыедуць яшчэ 30 кароткатэрміновых назіральнікаў. Яны будуць сачыць за датэрміновым галасаваннем і непасрэдна ў дзень выбараў, а таксама ўдзельнічаць у падліку бюлетэняў і рэгістрацыі пратаколаў галасавання. Завершыцца іх работа
20 снежня прэс-канферэнцыяй кіраўніка місіі ў Мінску, падчас якой будуць падведзены вынікі работы назіральнікаў ад АБСЕ.
Падзяліўся сваімі ўражаннямі ад работы на Брэстчыне Бахыт Дасанаў. Аддзяленне назіральнікаў ад СНД працуе з 20 кастрычніка. За гэты час яго прадстаўнікі пабывалі ва ўсіх тэрытарыяльных камісіях Брэста і Кобрына, глядзелі, як выконваецца Выбарчы кодэкс, правяралі адпаведнасць подпісаў. Ніякіх перашкод для работы не выяўлена. Напярэдадні выбараў у вобласць плануецца прыезд кароткатэрміновых назіральнікаў з Татарстана, Расіі, іншых краін: у дзень выбараў на кожным тэрытарыяльным участку будзе прысутнічаць адзін назіральнік ад СНД.
Канстанцін Сумар, у сваю чаргу, расказаў міжнародным назіральнікам пра тое, што зроблена на Брэстчыне ў падрыхтоўчы да выбараў перыяд, што робіцца зараз, каб стварыць кандыдатам на пасаду прэзідэнта “зялёны” калідор для правядзення агітацыі. Губернатар пажадаў назіральнікам плённай работы і “не шукаць чорнага ката ў цёмным пакоі”, а пра парушэнні, калі яны будуць выяўлены падчас выбараў, гаварыць адкрыта.
Надзея ЯЦУРА, “НТ”.

“Не шукаць чорнага ката ў цёмным пакоі”
Оцените статью

Добавить комментарий

Авторизация
*
*
Генерация пароля