У сёмы раз фэст збірае ў Брэсце самую розную па знешніх і ўнутраных характарыстыках моладзь. Госці з Украіны, Расіі, Польшчы, краін Прыбалтыкі… Статус форуму памяняўся з беларускага на міжнародны.
На самыя першыя канцэрты запрашалі ў асноўным музыкантаў, ды зараз у гледачоў ёсць цудоўная магчымасць палюбавацца вулічнымі танцамі, спартыўнымі спаборніцтвамі, атрымаць асалоду ад аўтацюнінг-шоу. Відавочна, фестываль расце і ў плане колькасці ўдзельнікаў, і ў плане якасці відовішчаў. На працягу двух дзён аматараў маладзёжных субкультур будуць радаваць пачынаючыя і вядомыя музыканты – гэта гурты “Дай дарогу!”, “Крамбамбуля”, “D_Tails” і іншыя.
Арганізатары ставяць перад сабой цалкам зразумелыя задачы: праз маладзёжныя захапленні акцэнтаваць увагу на здаровым ладзе жыцця, даказаць на канкрэтных прыкладах, што можна быць паспяховым, таленавітым, жыццярадасным без наркотыкаў і алкаголю.
У межах фестывалю адбудзецца таксама знаёмства гасцей з турыстычнымі аб’ектамі горада над Бугам і інфраструктурай свабоднай эканамічнай зоны “Брэст”.
Ніна ЛЕАНАВЕЦ, “НТ”
Стартаваў штогадовы Міжнародны фестываль гарадскіх субкультур «Яшчэ лета»
