Беларусь

У вобласці ідзе масавая імунізацыя насельніцтва супраць грыпу


Зрабіць прышчэпку – значыць, стварыць імуналагічную памяць, якая будзе абараняць арганізм у момант сустрэчы з узбуджальнікам інфекцый. Гэта не толькі эфектыўна, але і выгадна ў эканамічным плане: па падліках абласнога цэнтра гігіены, эпідэміялогіі і грамадскага здароўя, у сярэднім адзін дзень стацыянарнага лячэння наступстваў грыпу каштуе 1,67 мільёна рублёў.
Клапаціцца пра сваё здароўе з асаблівым імпэтам патрэбна людзям, якія ўваходзяць у групы рызыкі. Гэта дарослыя і дзеці з хранічнымі хваробамі дыхальнай, сардэчна-сасудзістай сістэм, хворыя на цукровы дыябет, асобы са слабым імунітэтам, дзеткі ад 6 месяцаў да 3 гадоў, дарослыя ад 65 гадоў, работнікі і навучэнцы школ, каледжаў, ВНУ, медыкі, супрацоўнікі сферы абслугоўвання і грамадскага транспарту, цяжарныя жанчыны. Пералічаныя катэгорыі могуць прайсці вакцынацыю бясплатна – за кошт бюджэту. Для астатніх прышчэпка “Флюваксінам” абы-дзецца ў 40 тысяч рублёў, ін’екцыя з выкарыстаннем імпартных вакцын будзе каштаваць удвая даражэй – ад 80 тысяч.
Прышчапіцца ад грыпу патрэбна ў паліклініках вобласці на працягу кастрычніка – лістапада. Прыкладна 2-3 тыдні пасля вакцынацыі ў арганізме чалавека фарміруецца неабходны для супрацьвіруснай абароны ўзровень антыцел, які забяспечыць імунітэт аж на 6-8 месяцаў. “Летась атрымалася прышчапіць супраць грыпу каля 500 тысяч жыхароў Брэстчыны, – падзялілася галоўны санітарны ўрач вобласці Нэлі Гіндзюк. – Такія меры прафілактыкі дазваляюць пазбегнуць эпідэміі і звесці да мінімуму колькасць смяротных зыходаў. У мінулым сезоне, напрыклад, іх не было ўвогуле”.
Каб не аслабляць арганізм у халодную пару яшчэ і хваробамі, прышчапіцеся – і, мажліва, зіма здасца не такой ужо суровай.
Тамара ВАСІЛЬКОВА, “НТ”.

У вобласці ідзе масавая імунізацыя насельніцтва супраць грыпу
Оцените статью

Добавить комментарий

Авторизация
*
*
Генерация пароля