За квітнеючую, моцную Беларусь!

У БРЭСЦЕ ПРАЙШЛА СУСТРЭЧА ДЭЛЕГАТАЎ IV УСЕБЕЛАРУСКАГА НАРОДНАГА СХОДУ АД НАШАЙ ВОБЛАСЦІ
Прадстаўляць Брэстчыну на IV Усебеларускім народным сходзе будуць 350 чалавек, з іх 126 – жанчыны. Ва ўзросце да 31 года – 21 дэлегат, ад 51 да 60 год – 136. Вучоныя ступені маюць 11 чалавек, 36 – дзяржаўныя ўзнагароды, у тым ліку 2 Героі Сацыялістычнай Працы і адзін Герой Беларусі. У склад дэлегацыі Брэстчыны ўвайшлі рабочыя, студэнты, працаўнікі сацыяльна-культурнай сферы, аграрыі, прадпрымальнікі, інжынерна-тэхнічныя работнікі. Яны ацанілі зробленае ў рэгіёне за час, які прайшоў пасля папярэдняга Усебеларускага народнага сходу, абмеркавалі асноўныя палажэнні Праграмы сацыяльна-эканамічнага развіцця Рэспублікі Беларусь на 2011-2015 гады. Выказаныя заўвагі і прапановы будуць абагульнены і агучаны на IV Усебеларускім народным сходзе, які пройдзе ў Мінску 6 -7 снежня.
Наш рэгіён выступае за квітнеючую, моцную Беларусь. Такая думка гучала ў многіх выступленнях. Берасцейцы гатовыя не толькі дэклараваць гэты намер, але і старанна працаваць дзеля дасягнення высокай мэты.
Святлана ТАБОЛІЧ, “НТ”.
Фота Юрыя МАКАРЧУКА, “НТ”.