Беларусь

  • Главная
  • Навiны
  • 27-28 мая на Брэстчыне пройдзе байк-фестываль… і не толькі!

27-28 мая на Брэстчыне пройдзе байк-фестываль… і не толькі!


НА БАЙК-ФЕСТЫВАЛЬ!
27-28 мая на Брэстчыне пройдзе байк-фестываль. Сёлетні форум аматараў двухколай тэхнікі прысвечаны 70-годдзю абароны Брэсцкай крэпасці.
Асноўныя мерапрыемствы пройдуць на базе аздараўленчага лагера “Арляня” ў Жабінкаўскім раёне. 28 мая  ў суправаджэнні ДАІ калона байкераў праедзе па вуліцах Маскоўскай і Машэрава ў мемарыяльны комплекс “Брэсцкая крэпасць-герой”, дзе прой-дзе мітынг. Удзел у байк-злёце прымуць прадстаўнікі Беларусі, Расіі, Украіны, Польшчы, Германіі. Праводзіцца ён па ініцыятыве мотаклуба “Залатое крыло” і пры падтрымцы аддзела па справах моладзі аблвыканкама.
“РЭАЛЬНАМУ БРЭСТУ” – ТРЫ ГАДЫ
14 мая ў начным клубе “CITY” самы папулярны ў абласным цэнтры  інфармацыйны інтэрнэт-партал і першая брэсцкая сацыяльная сетка адсвяткавалі свой трэці дзень нараджэння.
Самыя актыўныя карыстальнікі атрымалі статуэткі з сімволікай сайта, якія ўручыў заснавальнік “Рэальнага Брэста” Дзяніс Марук. Добры настрой і драйв на ўсю ноч прысутным падарылі выступленні модных дыджэяў, спявачкі Вольгі Фікс, танцавальнага калектыву “Джэм”, камеды-шоу “Адлюстраваныя ў лужынах”. Урачыста прайшла прэзентацыя першага брэсцкага глянцавага часопіса “CITY magazine”.
ФАЛЬКЛОРНЫ “РАДАВОД”
Учора ў Івацэвічах пачаўся двухдзённы IV абласны адкрыты фестываль фальклорнага мастацтва “Радавод”.
У рамках фестывалю праходзяць конкурсы танцавальных пар выканаўцаў народных бытавых танцаў, дзіцячых інструментальных ансамбляў, музыкантаў-выканаўцаў на старадаўніх інструментах, выканаўцаў абрадавых песень. У праграме фестывалю – навукова-практычная канферэнцыя “Фальклорная спадчына Брэстчыны як аснова этнакультурнага выхавання дзяцей і моладзі”. На вуліцах горада адкрыты выставы “Горад майстроў” і “Бабуліна кухня”, дзейнічаюць канцэртныя пляцоўкі.
СТУДЭНТАМ ПРА ТВОРЦУ
У культурна-асветніцкім цэнтры імя Уладзіміра Калесніка прайшла літаратурная сустрэча, прысвечаная 80-годдзю вядомага літаратуразнаўцы, паэта, празаіка, перакладчыка і крытыка Алега Лойкі.
Студэнтам БрДУ імя А.С. Пушкі-на цікава было паслухаць пра творцу, які неаднойчы наведваў універсітэт. Успамінамі з моладдзю падзяліліся выкладчыкі філалагічнага факультэта.

Служба навін спецыяльнага выпуску для моладзі “Равеснік”.

27-28 мая на Брэстчыне пройдзе байк-фестываль… і не толькі!
Оцените статью

Добавить комментарий

Авторизация
*
*
Генерация пароля