Паважаныя работнікі бытавога абслугоўвання насельніцтва і жыллёва-камунальнай гаспадаркі вобласці!
Прыміце самыя цёплыя віншаванні з вашым прафесіянальным святам!
Вашу галіну з упэўненасцю можна назваць барометрам сацыяльнага дабрабыту. Ад зладжанай і стабільнай работы бытавой і жыллёва-камунальнай сферы залежыць вырашэнне пытанняў камфортнага пражывання і сэрвісу жыхароў нашай вобласці. Ад таго, як вы спрацуеце, у многім залежыць настрой людзей, іх словы ўдзячнасці ў адрас канкрэтнага работніка бытавога абслугоўвання ці ЖКГ, што ў канчатковым выніку паслужыць для добрай ацэнкі ўсёй галіны.
Няхай усведамленне важнасці вашай дзейнасці дапамагае вам у павышэнні прафесіяналізму, у імкненні выконваць сваю работу якасна, прафесіянальна і аператыўна.
Прыміце пажаданні ўдачы ва ўсіх пачынаннях, упэўненасці ў заўтрашнім дні і сваіх сілах, моцнага здароўя і дабрабыту вам і вашым блізкім.
АБЛАСНЫ ВЫКАНАЎЧЫ КАМІТЭТ.
АБЛАСНЫ САВЕТ ДЭПУТАТАЎ.