Адпрацоўка адкладваецца?

Я скончыў навучанне на дзённым аддзяленні БрДТУ, паступіў у магістратуру на дзённае платнае аддзяленне. Якога размеркавання ў такім выпадку мне чакаць,
ці будзе яно ўвогуле?

Уладзімір, г.Брэст.
Вадзім ПАШУТА, супрацоўнік юрыдычнай фірмы, адвакат:
– Паступленне ў магістратуру не азначае, што Вы, Уладзімір, губляеце статус маладога спецыяліста. Адпаведна частцы 4 пункта 5 Палажэння аб кампенсацыі сродкаў Вам не выдадуць даведку аб самастойным працаўладкаванні. Такім чынам, нават паступіўшы ў платную магістратуру, Вы будзеце абавязаны адпрацаваць па размеркаванні. Гэты абавязак толькі адкладваецца на час вучобы. Калі не пажадаеце адпрацоўваць, прыйдзецца кампенсаваць дзяржаве сродкі, якія былі затрачаны на Вашу вучобу.