Беларусь

  • Главная
  • Навiны
  • Баранавіцкія вадзіцелі атрымалі міжнародныя ўзнагароды

Баранавіцкія вадзіцелі атрымалі міжнародныя ўзнагароды


Два вадзіцелі з Баранавіч атрымалі міжнародныя ўзнагароды.
Уладзімір Дзерман працуе на міжнародных маршрутах, а Леанід Жылінскі – на міжгародніх. У абодвух за плячамі 30-гадовы стаж работы на адным прадпрыемстве – аўтобусным парку г.Баранавічы. Добрасумленныя адносіны да справы і працавітасць вызначаюць шафёраў. Мужчыны ганарацца сваім аўтапаркам і заўсёды адчуваюць адказнасць: за рулём трэба быць уважлівымі і бездакорнымі.
Для абодвух вадзіцеляў прыемным сюрпрызам стала паведамленне аб узнагароджанні іх ганаровымі дыпломамі і нагруднымі знакамі Беларускай асацыяцыі міжнародных аўтамабільных перавозчыкаў, якая ўваходзіць у склад Міжнароднага саюза аўтамабільнага транспарта.
Уладзімір Дзерман і Леанід Жылінскі лічаць, што ганаровыя ўзнагароды – гэта не толькі прызнанне іх заслуг, але і своеасаблівы аванс, які абавязвае працаваць яшчэ лепш.
Святлана ЛЕБЕДЗЕВА,
Фота аўтара

Баранавіцкія вадзіцелі атрымалі міжнародныя ўзнагароды
Оцените статью

Добавить комментарий

Авторизация
*
*
Генерация пароля