Беларусь

  • Главная
  • Навiны
  • Больш за 20 інавацыйных праектаў былі прадстаўлены на занальнай выставе “100 ідэй для Беларусі”

Больш за 20 інавацыйных праектаў былі прадстаўлены на занальнай выставе “100 ідэй для Беларусі”


Больш за 20 інавацыйных  праектаў у розных сферах дзейнасці былі прадстаўлены на занальнай выставе “100 ідэй для Беларусі”
Праект Беларускага рэспубліканскага саюза моладзі “100 ідэй для Беларусі” накіраваны на стварэнне і падтрымку перспектыўных навукова-тэхнічных распрацовак. На Брэстчыне ён стаў вельмі папулярным. Толькі ў мінулым годзе моладзь нашага рэгіёна прэзентавала пяць сур’ёзных праектаў, якія, дарэчы, увайшлі ў сотню  лепшых ініцыятыў краіны і ўжо знайшлі прымяненне на практыцы.
Брэсцкая занальная выстава рэспубліканскага праекта “100 ідэй для Беларусі” прайшла 27 лістапада на базе цэнтра дадатковай адукацыі дзяцей і моладзі г. Брэста. Сярод запрошаных гасцей былі першы сакратар абласнога камітэта ГА “БРСМ” Віктар Іваноў і начальнік аддзела адукацыі, спорту і турызму Брэсцкага гарвыканкама Анатоль Наскоў.
– Вядома ж, будучыню краіны будаваць маладым, а залежыць яна ад таго, як пакажуць сябе сённяшнія юнакі і дзяўчаты, наколькі актыўнымі яны будуць. – разважае Анатоль Наскоў. – Спадзяюся, што большасць з прадстаўленых на выставе ініцыятыў знойдзе прымяненне ў жыцці і будзе працаваць на карысць нашай краіны.
На выставе былі прадстаўлены больш за 20 праектаў лепшых інавацыйных ідэй сацыяльнага і эканамічнага развіцця Беларусі. Сярод іх – маладзёжны сайт “Мы разам!”, “Візуальная экскурсія па Чэрнінскім музеі народнай славы”, “Здароўе – гэта здорава!”, гульня “Беларуская мазаіка”, “Будаўніцтва новага корпуса Брэсцкага дзяржаўнага тэхнічнага ўніверсітэта”, “Мастацкае афармленне пад’ездаў жылых дамоў” і іншыя.
Сёння ж, 29 лістапада, эстафету маладзёжных ініцыятыў  прыме Пінск. З 11.00 да 15.00 у актавай зале пінскага гарадскога Дома культуры адкрыецца выстава
“100 ідэй для Беларусі – новы фармат”. У мерапрыемстве прымуць
удзел аўтары  маладзёжных праектаў з Пінска, Пінскага раёна, Іванава і Століна.
Па выніках рэгіянальных выстаў экспертны савет вызначыць найбольш цікавыя, неардынарныя, а галоўнае – карысныя для дзяржавы ідэі, якія прадставяць Брэстчыну на рэспубліканскай выставе.
Вольга СВІРЫДОВІЧ, “НТ”.

Больш за 20 інавацыйных праектаў былі прадстаўлены на занальнай выставе “100 ідэй для Беларусі”
Оцените статью

Добавить комментарий

Авторизация
*
*
Генерация пароля