Было б жаданне!

БЫЛО Б ЖАДАННЕ!
Бярозаўскі раён. Падве-дзены вынікі конкурсу на лепшае навагодняе афармленне адміністрацыйных будынкаў і прылягаючых да іх тэрыторый сярод прадпрыемстваў, арганізацый і ўстаноў горада і раёна. Творча і з фантазіяй выканалі светлавое афармленне сыраробны і мясакансервавы камбінаты,  “Бярозабудматэрыялы”, “Цеплапрыбор”, ПМК-3,  КУВП “Пескаўскае”, СВК “Нарутавічы”. Найбольш прыгожа выглядаюць адміністрацыйныя будынкі і сацыяльныя аб’екты Пескаўскага, Малецкага, Сакалоўскага  і Боркаўскага сельсаветаў. Сярод гаспадароў прыватных сядзіб роўных не было жыхарам вёскі Нарутавічы.
І ПЛАН РАБОТЫ ЗАЦВЕРДЗІЛІ
Пружанскі раён.18 пытанняў  было вынесена на разгляд сесіі раённага Савета дэпутатаў, якая адбылася 28 снежня мінулага года. Народныя выбраннікі прынялі рашэнні па здачы ў арэнду некаторых водных аб’ектаў раёна, абмеркавалі блок эканамічных пытанняў, зацвердзілі план работы на 2011 год.
КАЛІ ЎШЧУВАННІ НЕ ЎЗДЗЕЙНІЧАЮЦЬ
Ляхавіцкі раён. Старшыня сельскага Савета Аляксандр Трыбухоўскі разам з участковым, прадстаўнікамі аддзела адукацыі і работнікамі ФАПа напрыканцы мінулага года ў чарговы раз наведалі сем’і, якія знаходзяцца ў небяспечным становішчы. Большасць з іх, як, напрыклад, маці пяцярых дзяцей Іна Панова, стае на шлях выпраўлення. А вось  у адносінах  Кацярыны і Канстанціна Буйкевічаў, якія не паддаюцца перавыхаванню,  вырашана падрыхтаваць дакументы на  пазбаўленне бацькоўскіх правоў.