Беларусь

Мэта – 12 мільёнаў!


Мэта – 12 мільёнаў!
Беларусь плануе да 2015 года давесці штогадовы аб’ём вытворчасці збожжа да 12 мільёнаў тон, а прыбытак ад рэалізацыі сельгаспрадукцыі павялічыць у 9 разоў. Аб гэтым заявіў у сераду на пасяджэнні Палаты прадстаўнікоў Нацыянальнага сходу намеснік прэм’ер-міністра краіны Валерый Іваноў.
Да 120-годдзя Багдановіча
Савет Міністраў Беларусі прыняў пастанову аб падрыхтоўцы да 120-годдзя з дня нараджэння класіка беларускай літаратуры Максіма Багдановіча, якое будзе адзначацца 9 снежня 2011 года. Сярод асноўных мерапрыемстваў, прысвечаных гэтай даце, – рэстаўрацыя дома ў Троіцкім прадмесці Мінска, дзе нарадзіўся паэт, правядзенне выстаў, літаратурных вечароў, творчых сустрэч, выданне энцыклапедыі «Максім Багдановіч», узвядзенне помніка паэту ў Гродне і іншыя.
Прыгажэюць гарады і вёскі
Аблвыканкам падвёў вынікі абласнога агляду санітарнага стану і добраўпарадкавання населеных пунктаў за 2010 год. Пераможцамі прызнаны і ўзнагароджаны граматамі аблвыканкама і грашовымі прэміямі гарады Пінск, Івацэвічы, Бяроза, Драгічын, Лунінец, Камянец, вёскі Мокрае Пружанскага, Імянін Драгічынскага, Охава Пінскага і Чудзін Ганцавіцкага раёнаў. Прынята рашэнне аб правядзенні агляду і ў 2011 годзе.
Дзень інфармавання
17 лютага ў вобласці прайшоў адзіны дзень інфармавання. Яго тэма: «Новыя якасныя характарыстыкі насельніцтва Рэспублікі Беларусь». Інфармацыйна-прапагандысцкія групы аблвыканкама сустрэліся з працоўнымі калектывамі і насельніцтвам па месцапражыванні ў Камянецкім, Лунінецкім, Ляхавіцкім, Пінскім, Столінскім раёнах і горадзе Пінску.
Памяці афганцаў
14 лютага ў абласным грамадска-культурным цэнтры прайшло ўрачыстае мерапрыемства, прысвечанае вываду савецкіх войскаў з Афганістана. У мерапрыемстве прынялі ўдзел старшыня аблвыканкама Канстанцін Сумар, ваенны камісар вобласці Уладзімір Базанаў, прадстаўнікі грамадскіх аб’яднанняў, ветэраны, родныя воінаў-інтэрнацыяналістаў. У рамках канцэртнай праграмы прайшла прэзентацыя кнігі «На линии огня» Аляксандра Суворава.

Мэта – 12 мільёнаў!
Оцените статью

Добавить комментарий

Авторизация
*
*
Генерация пароля