Беларусь

  • Главная
  • Навiны
  • На базе Брэсцкага абласнога цэнтра алімпійскага рэзерву па веславанні прайшло IV адкрытае першынство Брэсцкай вобласці па веславанні на байдарках і каноэ сярод юнакоў і дзяўчат 1997 – 2001 гадоў нараджэння на прызы алімпійскага чэмпіёна Сяргея Макаранкі

На базе Брэсцкага абласнога цэнтра алімпійскага рэзерву па веславанні прайшло IV адкрытае першынство Брэсцкай вобласці па веславанні на байдарках і каноэ сярод юнакоў і дзяўчат 1997 – 2001 гадоў нараджэння на прызы алімпійскага чэмпіёна Сяргея Макаранкі


На вяслярным канале ў Брэсце напрыканцы мінулага тыдня, нягледзячы на вераснёўскае пахаладанне, было горача. Адзін з выдатнейшых спартыўных аб’ектаў Еўропы прыняў IV адкрытае першынство вобласці па веславанні на байдарках і каноэ сярод моладзі на прызы алімпійскага чэмпіёна Сяргея Макаранкі. Арганізатарамі турніру выступілі Прадстаўніцтва Нацыянальнага алімпійскага камітэта Рэспублікі Беларусь у Брэсцкай вобласці і ўпраўленне спорту і турызму аблвыканкама. У Брэсце маладыя спартсмены пастараліся паказаць свае самыя лепшыя вынікі.
Безумоўна, да перамог імкнуліся і гаспадары турніру. Прыемна было бачыць на вышэйшай прыступцы п’едэстала брэсцкую моладзь. Так,  Ганна Кавалевіч, выхаванка спартыўнага класа  сярэдняй школы №30 г. Брэста, перамагла на дыстанцыі ў 500 метраў на байдарцы-адзіночцы. Максім Клок, таксама вучань 30-й школы, быў мацнейшым на байдарцы-адзіночцы. Годна выступілі і занялі першыя месцы Крысціна Каспярчук і Дзмітрый Серада ў класе байдарак-адзіночак, Раман Ярошык – на каноэ-адзіночцы. Насамрэч, вада вяслярнага канала аказалася для моладзі “лёгкай”.
У рамках традыцыйнага турніру арганізатары зрабілі спартсменам падарунак і запрасілі на сустрэчу першага алімпійскага чэмпіёна Беларусі Сяргея Макаранку. Для маладых весляроў гэта сустрэча ўнікальная, бо далёка не ўсім даводзіцца пагутарыць са спартсменам такога ўзроўню асабіста. І Сяргей Макаранка ахвотна дзяліўся сакрэтамі, якія дазволілі яму ў свой час дасягнуць высокіх вынікаў у спорце. У далёкім 1960-м менавіта яму дасталося першае беларускае алімпійскае “золата” ў веславанні на каноэ і байдарках.
Сустрэча прайшла ў цёплай сяброўскай абстаноўцы. Для некаторых спартсменаў яна была сапраўды доўгачаканай. Яны вывучалі біяграфію спартсмена, раўняліся на яго, а цяпер змаглі пагутарыць з заслужаным майстрам спорту. Няма сумнення, што такія ўражанні застануцца ў памяці маладых спартсменаў назаўсёды.
Сабіна Гараева,
студэнтка БрДУ імя А.С. Пушкіна.

На базе Брэсцкага абласнога цэнтра алімпійскага рэзерву па веславанні прайшло IV адкрытае першынство Брэсцкай вобласці па веславанні на байдарках і каноэ сярод юнакоў і дзяўчат 1997 – 2001 гадоў нараджэння на прызы алімпійскага чэмпіёна Сяргея Макаранкі
Оцените статью

Добавить комментарий

Авторизация
*
*
Генерация пароля