Каля 8 тысяч тон сыравіны ў суткі перапрацоўвае Жабінкаўскі цукровы завод. У параўнанні з мінулым годам цукрыстасць караняплодаў сёлета значна вышэйшая, што дае надзею цукраварам справіцца з вытворчымі планамі. Зладжана, без перапынку для вытворцаў цукру пастаўляецца сыравіна з бліжэйшых раёнаў на прызаводскі буракапрыёмны пункт. З дапамогай 9 буртавальных машын на вачах растуць кагаты, у якія закладзена ўжо 150 тысяч тон буракоў. Усяго ж на гэты час сельгаспрадпрыемствы вобласці назапасілі звыш паўмільёна тон салодкіх карэнняў, што складае палавіну ад запланаванага.
Аляксей ГАНЧУК, “НТ”,
г. Жабінка.
Фота аўтара.
от8 февраля, 2019