Беларусь

  • Главная
  • Навiны
  • На плошчы Цырыманіялаў пахаваны астанкі 58 абаронцаў Брэсцкай крэпасці

На плошчы Цырыманіялаў пахаваны астанкі 58 абаронцаў Брэсцкай крэпасці


9 лістапада на плошчы Цырыманіялаў пахаваны астанкі 58 абаронцаў Брэсцкай крэпасці

Два тыдні, з 11 па 26 кастрычніка, на тэрыторыі крэпасці, у раёне Свята-Мікалаеўскага храма і новага будынка нядзельнай школы, байцы 52-га асобнага спецыялізаванага батальёна (упраўленне па ўвекавечванні памяці абаронцаў Айчыны і ахвяр войнаў Узброеных Сіл Рэспублікі Беларусь) вялі раскопкі.
У выніку работ былі знойдзены астанкі 58 ваеннаслужачых РККА, якія загінулі ў чэрвені-ліпені 1941 года. На сённяшні дзень удалося ўстанавіць імёны толькі трох з іх. Родных абаронцаў крэпасці запрасілі на ўрачыстую цырымонію перазахавання.
Тут і адбылася першая сустрэча Валерыя Гітэльмана са сваім дзедам Рыгорам Сямёнавічам Зінчанкам. 19-гадовы Рыгор з сяла Вялікае Беларэчанскага раёна Краснадарскага краю быў прызваны ў Чырвоную Армію восенню 1940 года. Служыў у Брэсце, на тэрыторыі крэпасці. І вось толькі цяпер стала вядома: Рыгор Сямёнавіч загінуў у першыя дні вайны, а да гэтага ён лічыўся прапаўшым без вестак. На памяць аб ім у жонкі застаўся толькі фотаздымак мужа ў ваеннай форме, які ён прыслаў дадому за некалькі дзён да пачатку Вялікай Айчыннай вайны. Так і не даведаўся салдат, што стаў бацькам, што ў яго нарадзілася дачка, якая так ні разу і не ўбачылася з ім. За сваю маці гэта здолеў зрабіць унук героя Валерый (на здымку – з партрэтам дзеда), які прыехаў у Брэст ужо са сваім унукам.
– Я ўпершыню ў вашым горадзе, – расказвае Валерый Алегавіч, – вельмі ўражаны Брэстам і крэпасцю, удзячны брастаўчанам, што яны так беражліва захоўваюць памяць абаронцаў Айчыны, нашых продкаў.
Кажуць, вайна не закончана да таго часу, пакуль не пахаваны яе апошні салдат. Можна, напэўна, дадаць: і пакуль не ўстаноўлена імя кожнага невядомага ўдзельніка мінулай вайны. Яшчэ адзін крок на гэтым шляху зроблены. Але не апошні.
Віктар СЛАВІН, “НТ”.

На плошчы Цырыманіялаў пахаваны астанкі 58 абаронцаў Брэсцкай крэпасці
Оцените статью

Добавить комментарий

Авторизация
*
*
Генерация пароля