Нафта з Венесуэлы

Канцэпцыя бяспекі
19 кастрычніка Прэзідэнт Беларусі правёў пасяджэнне Савета бяспекі Рэспублікі Беларусь. На ім абмеркаваны праект новай рэдакцыі Канцэпцыі нацыянальнай бяспекі краіны і дакументы, якія звязаны з яе рэалізацыяй. Па выніках пасяджэння Кіраўнік дзяржавы даў даручэнне на працягу двух тыдняў дапрацаваць новую рэдакцыю Канцэпцыі і падаць яму на зацвярджэнне.
На зімовы час
На ўсёй тэрыторыі Беларусі 31 кастрычніка 2010 года пачынаецца так званы «зімовы» час. У 3.00 стрэлкі гадзіннікаў пераво-дзяцца на 1 гадзіну назад.
Нафта з Венесуэлы
Беларусь і Венесуэла дамовіліся аб пастаўках нафты на 2011-2013 гады. Гэтае пытанне вырашана 16 кастрычніка ў ходзе рабочага візіту ў Беларусь венесуэльскага лідара Уга Чавеса. Прэзідэнты Беларусі і Венесуэлы Аляксандр Лукашэнка і Уга Чавес абмеркавалі шырокі спектр пытанняў двухбаковага супрацоўніцтва і абмяняліся думкамі па актуальных міжнародных праблемах. Напярэдадні візіту ў Мінск прэзідэнт Венесуэлы пабываў у Маскве, а пасля Беларусі ён наведаў Кіеў і Тэгеран.
Створаны ўчасткі
У Беларусі створана 6390 участкаў для галасавання на выбарах Прэзідэнта краіны, якія пройдуць 19 снежня. Аб гэтым журналістам паведаміў сакратар Цэнтрвыбаркама Мікалай Лазавік. Найбольшая іх колькасць сфарміравана ў Гомельскай вобласці – 1114. На Брэстчыне будзе працаваць 986 участкаў. 44 выбарчыя ўчасткі створаны за межамі Беларусі. Да 3 лістапада будуць фарміравацца ўчастковыя выбарчыя камісіі.
Вопыт дэмакратыі
21 кастрычніка на Брэстчыне прайшоў адзіны дзень інфармавання. Яго тэма: «Усебеларускі народны сход – вопыт дэ-макратыі». Інфармайцыйна-прапагандысцкія групы абл-выканкама правялі сустрэчы ў працоўных калектывах і з насельніцтвам па месца-пражыванні ў Драгічынскім, Жабінкаўскім, Іванаўскім, Маларыцкім, Столінскім раёнах і горадзе Брэсце.
Конкурс кулінараў
28 кастрычніка ў кафэ «Цытадэль» у Брэсцкай крэпасці адбудзецца абласны конкурс кулінарнага мастацтва і сэрвісу. Арганізатары запрашаюць брастаўчан і гасцей горада наведаць выставу работ удзельнікаў конкурсу з 14 да 17.30 гадзін.