Новым Старшынёй Савета Рэспублікі абраны Анатоль Рубінаў

У сенаце – перамены. Кадравыя
Новым Старшынёй Савета Рэспублікі Нацыянальнага сходу Рэспублікі Беларусь аднагалосна абраны Анатоль Рубінаў, а яго намеснікам – Леанід Крупец.
Курс – на адзінства
Учора ў Мінску прайшоў VI з’езд Беларускага прафсаюза работнікаў культуры, у якім прынялі ўдзел і 11 прадстаўнікоў Брэстчыны. На форуме абмеркавана работа Цэнтральнага камітэта за справаздачны перыяд і асноўныя напрамкі дзейнасці прафсаюзных арганізацый на 2010-2015 гг. У рабоце з’езда прынялі ўдзел прафсаюзныя лідары з Расіі, Украіны і Казахстана.
«Радасць» у Шанхаі
Днямі на імя старшыні аблвыканкама Канстанціна Сумара прыйшло пісьмо з Кітая за подпісам Надзвычайнага і Паўнамоцнага Пасла Рэспублікі Беларусь у КНР Анатоля Тозіка. У ім – словы падзякі за цудоўнае выступленне ў Шанхаі на Сусветнай выставе «ЭКСПА-2010» заслужанага аматарскага калектыву ансамбля танца «Радасць». На працягу 10 дзён, гаворыцца ў пісьме, берасцейскія артысты радавалі ўдзельнікаў выставы «прыгажосцю, бездакорнасцю, высокім прафесіяналізмам і поўнай самааддачай». Брэсцкі калектыў, па словах дыпламата, дастойна прадставіў нашу Беларусь і пераканаўча пацвердзіў, што ён можа (і павінен!) выступаць на самых вядомых пляцоўках усіх кантынентаў свету.
Увага – дзеці!
Дзяржаўтаінспекцыя звяртае ўвагу ўсіх аўтаўладальнікаў на тое, што з 24 мая па 11 чэрвеня ў краіне праводзіцца спецыяльнае комплекснае мерапрыемства «Увага – дзеці!». У гэтыя дні вадзіцелям рэкамендуецца рухацца ў светлы час сутак з уключаным блізкім святлом фар.
У Камітэце дзяржкантролю
Указам Прэзідэнта Рэспублікі Беларусь створана дзяржаўная камісія па кантролі за ходам падрыхтоўкі і правядзення ўступных іспытаў у вышэйшых і сярэдніх спецыяльных навучальных установах у 2010 годзе.
Калі ў вас ёсць прэтэнзіі, якія тычацца ўступных экзаменаў, звяртайцеся на «гарачую лінію» Камітэта дзяржаўнага кантролю Брэсцкай вобласці па тэлефонах: 23-87-12,
23-09-07, 23-91-57 (г. Брэст), 45-47-31 (г. Баранавічы), 35-95-60 (г. Пінск).
Супраць тытуню
З 15 па 31 мая право-дзіцца рэспубліканская акцыя «Беларусь супраць тытуню» пад лозунгам «За прыгажосць жанчын і здароўе дзяцей». У рамках акцыі 25 мая ў абласным цэнтры гігіены, эпідэміялогіі і грамадскага здароўя адбылася прэс-канферэнцыя. Даныя сацыялагічных даследаванняў паказваюць, што за апошнія 9 гадоў колькасць тых, хто курыць, знізілася на 9,5 працэнта. Разам з тым жанчын-курцоў стала больш амаль на два працэнты. Гэта выклікае занепакоенасць медыкаў, бо ад здароўя маці залежыць здароўе дзіцяці.