Паважаныя работнікі і ветэраны пракуратуры Брэсцкай вобласці!

Прыміце віншаванні з вашым прафесійным святам!
З’яўляючыся адным з важнейшых інстытутаў айчыннай праваахоўнай сістэмы, пракуратура цвёрда стаіць на абароне Канстытуцыі, служыць надзейнай апорай дзяржаве і нясе адказнасць за падтрыманне стабільнасці, умацавання дысцыпліны і парадку ў грамадстве.
Органы пракуратуры Брэстчыны вызначаюцца высокапрафесіянальнымі юрыстамі, якія годна выконваюць свой службовы абавязак. Упэўнены, што і ў будучым вы будзеце трымаць гэты высокі кадравы ўзровень, узважана і аб’ектыўна вырашаць складаныя задачы, якія стаяць перад вамі.
У гэты дзень выказваем шчырую ўдзячнасць ветэранам пракуратуры, прадаўжальнікам слаўных традыцый якіх з’яўляецца цяперашняе пакаленне пракурорскіх работнікаў. Законнасць і правапарадак на Брэстчыне ў надзейных руках.
Прыміце шчырыя пажаданні поспехаў у вашай нялёгкай працы.
Здароўя вам, мэтанакіраванасці, удачы ва ўсіх пачынаннях!
АБЛАСНЫ ВЫКАНАЎЧЫ КАМІТЭТ.
АБЛАСНЫ САВЕТ ДЭПУТАТАЎ