Мерапрыемства пройдзе ў Пружанскай раённай бібліятэцы імя М. Засіма і абяцае быць цікавым. У творчым багажы Юліі нямала заслуг. Яна не толькі таленавітая пісьменніца і кінасцэнарыст. Юлія Ляшко з’яўляецца літаратурным рэдактарам часопіса “На экранах”, дыпламантам Міжнароднага кінафоруму “Залаты Віцязь”, уладальніцай “Крыштальнага Бусла” – вышэйшай кінематаграфічнай узнагароды Рэспублікі Беларусь у намінацыі “Лепшы сцэнарый”. Па яе сцэнарыях зняты кінастужкі “Рыфмуецца з любоўю”, “Сяброўка восень”, “Свет мой…”, “Пяшчотная зіма”, “Ой, ма-мач-кі!”.
На сустрэчы сцэнарыст і пісьменніца адкажа на пытанні чытачоў, раскажа, як нарадзіліся сюжэты яе кніг “Ангёл у цемры” і “Мамачкі мае… ці Бальнічны Дэкамерон”, хто стаў прататыпамі герояў.
Сабіна ГАРАЕВА,
студэнтка БрДУ, імя А. С, Пушкіна.
от8 февраля, 2019