Беларусь

Сама сабе рэжысёр


Прывітанне, сяброўка! Дзякуй за тое, што знаходзіш час для сустрэч на “паляне”, нягледзячы на перыяд водпускаў і канікулаў. І ў летнюю спякоту, у перапынках паміж пляжам і дзённай сіестай, нам ёсць аб чым пасакрэтнічаць.
Як сказаў хтосьці з вялікіх людзей, пастаянства – гэта пры-кмета стабільнасці. Вернасць чалавека сваім ідэалам, думкам і марам цанілася ва ўсе часы. Часам даводзіцца дзейнічаць насуперак стэрэатыпам і ўплываць на грамадскае меркаванне. Дзяўчаты ўсё часцей выбіраюць мужчынскія прафесіі, паспяхова асвойваюць экстрэмальныя віды спорту, ладзяць бізнэс, ідуць у навуку. Здаецца, няма нічога, што было б непадуладна цяперашнім красуням. За сваю індывідуальнасць і ўнікальнасць даводзіцца змагацца. Перамагаюць тыя, каму ўдаецца захаваць асаблівасць і развіць тыя здольнасці, якія адрозніваюць іх ад шэрай масы людзей.
Пачынаецца такая трансфармацыя яшчэ ў дзяцінстве, калі гуляць у машынкі забараняюць толькі таму, што гэта забаўка для хлопцаў. Калі мы выбіраем гурток па інтарэсах, то гэта будзе абавязкова макрамэ ці маляванне. А чаму не авіямадэльны клуб ці каратэ? Падобная сітуацыя паўтараецца і пры паступленні ў ВНУ. Напэўна, большасці дзяўчат бацькі прапанавалі паступіць у педагагічны ці эканамічны ўніверсітэты. Мала хто з іх звяртаў увагу на інтарэсы сваёй дачкі. А потым атрымліваецца, што ўсё жыццё праходзіць па нейкім прыдуманым навакольнымі сцэнарыі.
Для таго, каб не атрымаць у гэтым фільме галоўную ролю, неабходна ўвесь час захоўваць вернасць самой сабе, умець слухаць унутраны голас, які шчодра раздае нам падказкі. Хочаце дасягнуць зорных вяршынь – спрабуйце!
Сяброўка, а як мяркуеш ты? Можа, ведаеш цікавыя прыклады з жыцця ці сама сутыкалася з такой сітуацыяй? Калі табе ёсць што сказаць, калі ласка, запрашаю да размовы. Свае думкі і меркаванні дасылай да нас у рэдакцыю (наш адрас на апошняй старонцы). Рубрыка “Ружовы канверт”, як і раней, запрашае дзяўчат дзяліцца сваімі сакрэтамі і перажываннямі, а таксама абмяркоўваць актуальныя праблемы ў нашай вялікай дружнай кампаніі.
Вядучая “паляны”

Вольга СВІРЫДОВІЧ, “НТ”.

Сама сабе рэжысёр
Оцените статью

Добавить комментарий

Авторизация
*
*
Генерация пароля