Беларусь

  • Главная
  • Навiны
  • Сваё месца пад сонцам малады спецыяліст павінен шукаць сам

Сваё месца пад сонцам малады спецыяліст павінен шукаць сам


Святлана Лелей пераканана: сваё месца пад сонцам малады спецыяліст павінен шукаць сам.
“Маладая, перспектыўная і вельмі працавітая”, – гавораць пра Святлану калегі. Дзяўчына працуе ўрачом лабараторыі дыягностыкі Пінскай цэнтральнай бальніцы. Праца, трэба адзначыць, не з лёгкіх. Да яе Святлана Лелей ішла мэтанакіравана, бо цвёрда ведала, кім хоча быць. Яна скончыла Пінскі дзяржаўны медыцынскі каледж, а потым – Гомельскі медуніверсітэт. Інтэрнатуру праходзіла ў Пінску. Спачатку размеркаванне атрымала ў іншы рэгіён. Аднак памяняць месцапражыванне маладой сям’і было немагчыма. На той час Святлана была ўжо замужам і мела дзіця. Прыйшлося патурбавацца пра тое, каб вярнуцца дамоў. У рэшце рэшт ва ўніверсітэце зразумелі сітуацыю маладога доктара і накіравалі ў Пінск.
– Падчас размеркавання неабходна ўлічваць шмат фактараў, – расказвае Святлана. – Нельга бяздумна накіроўваць чалавека ў незнаёмую мясцовасць, маўляў, малады, раптам яму там спадабаецца, і ён застанецца. Нават самая наладжаная сістэма не зможа ўлічваць інтарэсы кожнага, хто ў ёй задзейнічаны. Медыцынскіх работнікаў, вядома ж, усюды не хапае. Калі малады спецыяліст не будзе спадзявацца на кагосьці, а возьме справу ў свае рукі, пры жаданні працу сабе знойдзе. Увогуле, лічу, што месца пад сонцам трэба шукаць самому.
Па словах Святланы, галоўным фактарам пры выбары месца работы для яе з’яўляліся ўмовы працы і калектыў. Пінская цэнтральная бальніца – адна з лепшых у вобласці. Калектыў тут – высакакласны. А яшчэ – людзі, спагадлівыя і шчырыя. Калегі і падбадзёраць, калі настрой не выдаўся, і карыснай парадай падзеляцца. Пінскія медыкі працуюць дружна.
І вельмі немалаважна, што ўсё гэта адбываецца ў родным горадзе Святланы. Што ні гавары, а дома любыя цяжкасці і перашкоды перажыць лягчэй.
Вольга СВІРЫДОВІЧ, “НТ”,
Фота аўтара

Сваё месца пад сонцам малады спецыяліст павінен шукаць сам
Оцените статью

Добавить комментарий

Авторизация
*
*
Генерация пароля