У Брэсце адбылася закладка алеі Алімпійскай славы

Па ініцыятыве Прадстаўніцтва НАК Беларусі па Брэсцкай вобласці ў абласным цэнтры адбылася закладка алеі Алімпійскай славы
У гэтым сімвалічным мерапрыемстве прынялі ўдзел намеснік старшыні аблвыканкама Леанід Цупрык, практычна ўсе брэсцкія алімпійцы, у тым ліку алімпійскія чэмпіёны Сяргей Макаранка (Рым-1960), Леанід Тараненка (Масква-1980) і Юлія Несцярэнка (Афіны-2004), а таксама чэмпіёны Паралімпійскіх гульняў 1992 года ў Барселоне Ірына Леанцюк і Таццяна Грышко, сярэбраныя і бронзавыя алімпійскія прызёры, іх трэнеры. Усяго на алеі каля Палаца водных відаў спорту ў мінулую суботу было высаджана 16 серабрыстых клёнаў –
менавіта столькі знакамітых алімпійцаў выгадавала наша Берасцейшчына.
Віктар СЛАВІН, “НТ”.