Беларусь

У клубе “Сфера” выбралі “Каралеву Вясну”


У Брэсце прайшоў абласны тур Міжнароднага конкурсу грацыі і артыстычнага майстэрства “Каралева Вясна – 2012”. Арганізатарамі мерапрыемства сталі Брэсцкі абласны камітэт ГА “БРСМ”, аддзел па справах моладзі Брэскага аблвыканкама пры падтрымцы ВНУ вобласці.
У гэтым годзе ўдзел у абласным этапе прынялі 9 прыгажунь з трох ВНУ. Нягледзячы на тое што, падчас конкурса панавала добрая атмасфера, канкурэнцыя была жорсткай. Нічога дзіўнага, кожная з канкурсантак ужо стала лепшай ва ўніверсітэцкіх турах і ніхто не хацеў саступаць. Да таго ж у Мінск, на рэспубліканскі тур, паедуць толькі тры пераможцы.
Праграма конкурсу была насычанай: дзяўчыны паўдзельнічалі ў некалькіх дэфіле, прадэманстравалі свае артыстычныя здольнасці ў творчым конкурсе і нават падзяліліся з гледачамі цікавымі гісторыямі са свайго жыцця.
Па выніках усіх конкурсаў тытул “Каралева Вясна” атрымала Крысціна Скуратовіч, студэнтка Палескага дзяржаўнага ўніверсітэта, першай Віцэ-Міс стала Марыя Чарняк, другой Віцэ-Міс Алёна Касцючык (абедзве дзяўчыны студэнткі Брэсцкага дзяржаўнага тэхнічнага ўніверсітэта). Дарэчы, у гэтым годзе упершыню прызначаўся тытул “Каралева Вясна анлайн”. Пераможцу ў гэтай намінацыі абіралі карыстальнікі інтэрнэта. Ею стала Аляксандра Кузміцкая, студэнтра БрДТУ.
Дарэчы, ужо ў нядзелю, 1 сакавіка, у Мінску адбудзецца рэспубліканскі этап конкурса. Удачы нашым дзяўчатам!

Яўгенія Мароз г.Брэст

Добавить комментарий

Авторизация
*
*
Генерация пароля