У Століне выяўлены “Лідар-2010″

У Столінскай дзяржаўнай гімназіі прайшоў раённы конкурс “Лідар-2010”.
У першым этапе конкурсу, які ўжо стаў традыцыйным для школьнікаў Століншчыны, прынялі ўдзел 23 вучні з актыўнай жыццёвай пазіцыяй, якія заўжды і ўсюды імкнуцца быць першымі. У завочным туры яны пісалі сачыненне “З гонарам за мінулае, з клопатам пра сённяшняе, з верай у будучыню”, рыхтавалі сацыяльны праект дзейнасці маладзёжнай арганізацыі. Пераможцамі сталі дзевяць чалавек, якія і выйшлі ў раённы фінал. Вырашэнне складаных сітуацый з жыцця лідара паказала жыццёвую пазіцыю ўдзельнікаў конкурсу. Цікава вывелі канкурсанты кожны сваю формулу поспеху. Вучаніца Беражноўскай СШ Ірына Дзянішчыц, прадстаўніца Глінкаўскай СШ Марына Гараінава, гімназістка Хрысціна Калаур, вучань СШ №2 Давыд-Гарадка Уладзімір Кулага, Яўген Яхнавец з Белавушскай СШ паказалі, што ім трэба зрабіць, колькі старанняў укласці, каб прыйшоў поспех. Тытул “Лідар-2010” журы прысудзіла Марыне Белавус. Толькі на дзясятыя бала ад пераможцы конкурсу адсталі яго прызёры – Алёна Волкава і Вікторыя Кулік. Усе ўдзельнікі ўзнагароджаны граматамі аддзела адукацыі райвыканкама.
Таццяна СЕГЕН