У верасні зноў зацвілі каштаны

Мы ўжо прывыклі да таго, што восенню маладыя яблынькі не-не, ды і ўпрыгожацца некалькімі кветачкамі. Але гэтая восень уражвае новай квеценню. Напачатку ў вёсцы Рубель Столінскага раёна зацвіла чаромха ў канцы жніўня. Пасля па раёне там-сям пачалі цвісці каштаны. Белыя свечкі гэтых дрэў спыняюць зачараваных людзей, якія бачаць такі цуд упершыню ў жыцці.
Дзіва – у верасні на каштанах поруч з іх калючымі мячыкамі з’явіліся кветкі – далікатныя, кволенькія, але такія прыгожыя.
Гэтую дзіўную з’яву прыроды назірала ў першы дзень бабінага лета. Разам са мною кветкамі-свечкамі любаваліся і маленькія павучкі, што накіраваліся ў сваё падарожжа на павуцінках-карабліках.
Таццяна СЕГЕН,
Столінскі раён.
Фота аўтара