Лонданскія Перспектывы
Напярэдадні Дня работнікаў фізічнай культуры і ў рамках Адзінага алімпійскага дня Прадстаўніцтва Нацыянальнага алімпійскага камітэта рэалізавала шэраг праектаў. 18 мая быў адкрыты прэс-цэнтр “Лондан-2012”, а пасля прайшла прэс-канферэнцыя з алімпійскімі чэмпіёнамі Юліяй Несцярэнка (лёгкая атлетыка) і Яраславай Паўловіч (веславанне акадэмічнае), а таксама з кандыдатамі на Гульні ХХХ летняй Алімпіяды ў Лондане. У гэты ж дзень спартсмены сустрэліся з ваеннаслужачымі Брэсцкай пагранічнай групы. Асноўнай тэмай усіх сустрэч сталі лонданскія перспектывы берасцейцаў.
19 мая ва ўпраўленні фізкультуры і спорту адбыўся прыём ветэранаў, якія затым пабывалі на лядовай арэне і ў аквапарку ў Кобрыне, дзе сустрэліся з навучэнцамі гарадской дзіцяча-юнацкай спартыўнай школы.
А сёння на плошчы Леніна ў Брэсце ветэранам, спартсменам і работнікам галіны будуць ўручаны ўзнагароды. Для гараджан падрыхтавана захапляльнае спартыўнае свята.
Вольга СВІРЫДОВІЧ, “НТ”.
от8 февраля, 2019