Беларусь

  • Главная
  • Смаката!
  • Для вас гатуе Дзяніс МАРУК, галоўны рэдактар партала “Рэальны Брэст”

Для вас гатуе Дзяніс МАРУК, галоўны рэдактар партала “Рэальны Брэст”


ЗАКУСКА “НА ХУТАРЫ”
ад Дзяніса МАРУКА, галоўнага рэдактара сацыяльнага партала “Рэальны Брэст”:
– Гатаванне – гэта сімбіёз добра вядомых рэцэптаў, асабістых пераваг і таго, што ёсць пад рукой ці ў халадзільніку. Часцей за ўсё даводзіцца кулінарыць на прыро-дзе. Падчас адной з паездак за горад быў прыдуманы рэцэпт закускі “На хутары”.
Для прыгатавання нам спатрэбяцца: 12 шампіньёнаў (неабходна ўзяць вялікія), 2 сярэднія цыбуліны, 2-3 зубкі часнаку, 100-150 г маслін (таксама вялікія і без костачак), 150-200 г крэветак, 150 г сыру, смятана, маянэз, паніровачныя сухары, соль і спецыі на смак.
Шампіньёны мыем і сушым. Акуратна выразаем ножкі, каб не пашкодзіць шляпкі. Выкладваем  шляпкі на рашотку для запякання, пры гэтым солім унутры. Гатуем начынку: здрабняем цыбулю і ножкі грыбоў, смажым іх на алеі. Затым дадаём смятану, маянэз і паніровачныя сухары. Даём гэтай сумесі крыху ахалонуць. Сыр надзіраем на сярэдняй тарцы і палову дадаём да начынкі. Перамешваем і выкладваем начынку ў шляпкі шампіньёнаў. У сярэдзіну маслін загадзя змяшчаем крэветкі і таксама адпраўляем на шляпкі. Здрабняем часнок, дадаём у нашу страву. Зверху пасыпаем сырам. Запякаем 15-20 хвілін на мангале. Не пераварочваем!
Думаю, такая альтэрнатыва традыцыйным шашлыкам прыйдзецца да смаку нават самым вытанчаным гурманам. Плюс такой закускі – гатаваць проста, дапоўніць новымі кампанентамі яшчэ лягчэй. Спрабуйце, эксперыментуйце. У любым выпадку атрымаецца арыгінальна, смачна і непаўторна.

Для вас гатуе Дзяніс МАРУК, галоўны рэдактар партала “Рэальны Брэст”
Оцените статью

Добавить комментарий

Авторизация
*
*
Генерация пароля