ПІЦА “ТВАРОЖНЫ ЭКСПЕРЫМЕНТ”
ад Святланы КАЗЛОВАЙ, другога сакратара Пінскага райкама ГА “БРСМ”:
– Вясна, як вядома, час абнаўлення. Вось і на кухні, мяркую, варта прыгатаваць нешта новае, чаго раней у вашым меню не было. Тым больш што хутка Вялікдзень, дык чаму б не далучыць да традыцыйных кулічоў і фарбаваных яек штосьці новенькае?! Магчыма, такой стравай-навінкай для некага стане піца “Тварожны эксперымент”, рэцэптам якой хачу падзяліцца з шаноўнымі чытачамі. Яго некалі “пазычыла” ў адной сваячкі.
Каб прыгатаваць гэтую страву, возьмем: 1 пачак тлустага тварагу, 3-4 яйкі, 10 сталовых лыжак алею, столькі ж – вады, 300 грам мукі, 4 сталовыя лыжкі леча, 200 грам грыбоў (сырых ці замарожаных), 2 вялікія цыбуліны, 200 грам варанай каўбасы, 100 грам сыру, 1 пачак сярэднекаларыйнага маянэзу.
Адварым грыбы. Абсмажым парэзаную кубікамі каўбасу са здробненай цыбуляй. Пакідаем гэтыя інгрэдыенты астываць, а тым часам зоймемся цестам. Тварог змешваем з яйкамі, дадаём ваду, потым – алей і муку. Цеста вымешваем (яно павінна атрымацца трохі гусцейшым, чым на аладкі, каб прыліпала да рук). Размяркоўваем цеста на блясе, якую папярэдне змазваем алеем. Выкладаем на цеста леча, затым – цыбулю з каўбасой. Парэжам грыбы і таксама раскладзём на цесце наступным слоем. Пасыпаем піцу сырам, які папярэдне трэба надзерці на буйной тарцы, зверху паліваем маянэзам і адпраўляем у духоўку на 40 мінут.
Частуйцеся самі, частуйце сваіх родных і сяброў! Прыемнага вам апетыту
от8 февраля, 2019