Новы паэтычны клуб створаны ў гімназіі г. Іванава
Літаратурная творчасць заўсёды прываблівае дзяцей. Вось і ў нашай гімназіі знайшлося шмат аматараў паэтычнага і празаічнага слова. Нехта раней спрабаваў ужо свае сілы ў творчасці, а нехта захацеў зрабіць першыя спробы. Вось чаму для вучняў 5-10 класаў і арганізавалі паэтычны клуб.
Галоўная задача “Альтанкі” (так мы яго назвалі) – выяўленне і падтрымка маладых талентаў, актывізацыя творчай дзейнасці школьнікаў. Разам са сваім кіраўніком Надзеяй Уладзіміраўнай Паліўка мы будзем тварыць і развіваць свае здольнасці. Плануем праводзіць паэтычныя вечары, сустрэчы з цікавымі людзьмі, якія ўжо маюць пэўныя творчыя дасягненні. Марым выпусціць зборнік з работамі альтанцаў, а пакуль наладжваем сяброўства з рознымі газетамі і часопісамі. Радуемся, калі нашы творы друкуюць, бо такім чынам можам падарыць сваю літаратурную творчасць іншым.
Паэтычны клуб “Альтанка” робіць свае першыя крокі, і мы верым – яны будуць удалымі.
Аліна ЦВІКЕВІЧ,
паэтычны клуб “Альтанка”,
г. Іванава.
Да сяброў у “Альтанку”
