Абвешчаны конкурс фотаздымкаў “Здаровы лад жыцця вакол мяне”

Конкурс фотаздымкаў абвешчаны абласным цэнтрам гігіены, эпідэміялогіі і грамадскага здароўя  і галоўным упраўленнем ідэалагічнай работы аблвыканкама
Конкурс праходзіць з 1 ліпеня па 1 верасня. Яго мэта: прыцягненне ўвагі да пытання фарміравання станоўчай грамадскай думкі аб здаровым ладзе жыцця на Берасцейшчыне; стварэнне ўмоў для яго вядзення, прапаганда сярод жыхароў рэгіёна ідэі ўмацавання здароўя, прафілактыкі хвароб.
Работы неабходна адправіць да 1 верасня ў аддзел грамадскага здароўя ДУ “БАЦГЭіГЗ” па адрасе: 224030, г. Брэст, вул. Смірнова, 111.
Удзельнічаць у конкурсе могуць як прафесіяналы, так і фотааматары. Ад аднаго аўтара прымаецца не больш чым 2 работы фарматам не менш за 10 на 15 сантыметраў. Здымкі павінны быць аформлены ў рамачкі (плануецца паказаць іх на VII Міжнароднай выставе-кірмашы “Садзейнічанне здароваму ладу жыцця-2011”. Да кожнага дадаецца анатацыя (аповяд аб тым, што хацеў паказаць аўтар), запоўненая і прымацаваная таблічка з указаннем прозвішча, імя, імя па бацьку аўтара, яго ўзрост, адкуль ён, кантактная інфармацыя (тэлефоны, адрас электроннай пошты).
Вынікі конкурсу абвесцяць, а таксама ўзнагародзяць пераможцаў і прызёраў на выставе-кірмашы “Садзейнічанне здароваму ладу жыцця-2011”.
Дадатковую інфармацыю можна атрымаць па тэлефонах: 24-95-34, 24-86-85 (код Брэста – 8-0162).